Esi ye’l títulu d’un nuevu llibru de cuentos que pretende averar al públicu infantil la temática de les enfermedaes escaecíes. Escritu por Feli Ibáñez, mélicu de Mélicos ensin Fronteres per más de diez años, illustráu con dibuxos de Mariona Cabasa y semeyes de Juan Carlos Romasi, y publicáu en collaboración con Icaria editorial, el llibru recueye un total de seis histories.
Caúna cinca a una enfermedá escaecida: el Chagas, la malaria, la tuberculosis, la enfermedá del sueñu, el Kala azar y el sida infantil. Los rellatos van siguíos d’una cenciella desplicación de les
enfermedaes pa que los neños llectores entiendan meyor dalgún de los problemes a los que s’enfrenten les persones que les padecen.
Un cachu de los beneficios de la venta del llibru dirá empobinada a financiar el llabor mélico-humanitariu de Mélicos ensin Fronteres. Bien ceo, el llibru vas poder mercalu en llibreríes o na tienda de MSF www.tiendamsf.es . Nun dexes de facelo.
