Pa zarrar yá’l tema futboleru hasta la temporada que vien (que yá ta ehí), ufierto güei una Olivina y una Cosadiella d’esi inmortal tema. Que vos preste.
COSADIELLA FUTBOLERA
(Al mou de Tiadoro Cuesta)
¿Qué cosa cosadiella ye una cosa,
cosadiella que nun ye revesosa.
Que xuega, pasa y escargata,
detrás del delanteru que remata.
Qu’anque nun ye talamente un delanteru,
remata, delles veces, col punteru.
Asítiase nel campu mui terciáu,
con tendencia a xugar adelantáu.
Y que tien un nome vergoñosu
anque’l probe resulte mui mañosu.
¡Abasta, dixo Del Bosque mui ufanu
teniendo tolos trunfos ena manu.
Polo dicho, cualquiera lo barrunta,
qu’esi xugador ye un “media punta”.
