close
Crítica a dos de les mios noveles

Crítica a dos de les mios noveles

Nel so prestosu blogue, l’escritor, investigador y críticu Xuan Xosé Sánchez Vicente escribió una pequeña crítica a dos de les mios noveles qu’asoleyó va un tiempu. Préstame reproduciles agora xuntes, pola importancia que tien pa min el so xuiciu. Ehí vos van:

Cubierta_Cuadernu_robau02Vicente García Oliva: Cuadernu robáu.-

Una novelina (¿xuvenil?) mui prestosa, que vien ser un complementu del Diariu d’Enol (1988). Bien llevada, de llectura rápida, d’unidaes narratives curties, cuenta, dende’l puntu de vista y la voz de la protagonista, Concha, una rapaza, les sos relaciones con Enol, pero sobre tou, el so conflictu familiar, víctima de malos tratos, como so madre, del so padrastru.
Prestosa y recomendable.

 

La_vida_de_siempre_cubiertaVicente García Oliva: La vida de siempre

Una prestosa novela d’eses del xéneru “negru”. Articulada n’unidaes narratives breves, escrita con frases y párrafos curtios, la novela, entretenía, camina derecha siempre hacia la so resolución.

Pa precisar un migayín más, vamos decir que la materia narrativa ye contemporánea, y navega peles onexés, el mundu les drogues y les mafies y la policía.

Per otru llau, tien tamién la novela la seña identitaria de toles de García Oliva: el so estilu peculiar, personal, que se nota nel cantar de la prosa, nel avanzar de les frases, nel ritmu internu del pensamientu y el decir.

Prestosa, repítolo.