Esi ye’l títulu del trabayín que me premiaron col «Máximo Fuertes Acevedo» d’Ensayu, en 2010. Un estudiu de cómo los cuentos acompañaron al ser humanu dende los sos anicios, y de cómo ésti foi utilizándolos nel so porgüeyu a midida que los diba necesitando: Como desplicación de la so realidá inmediata; como desplicación del mundu nel que vivía; como alvertencia, entretenimientu, tresmisión de cultura, preparación pa entrar nel mundu adultu, etc. etc. Y tamién el papel del «Héroe» nos cuentos y cómo esi papel foi, necesariamente, camudando.
El «Síndrome de Scherezade» acaba ser publicáu pola editorial Trabe, nun llibrín perguapu, y vamos presentalu el Vienres, día 13, d’esti mes, nel marcu de «LlibrUviéu», na carpa del Paséu Los Álamos de la capital, a les 7 de la tarde. Tengo la suerte de cuntar pa esti menester cola presencia del escritor y antropólugu Roberto González-Quevedo, y abúltame que namás por oyilu a él paga la pena averase hasta ellí. Vémonos el Vienres, 13 (mete un poco mieu, ¿non?)
