Esti miércoles día 4, nel Centru Municipal de L’Arena, a eso de les 7 de la tardi, don Severino Antuña (con Don) y esti qu’escribe, van presentar al mundu mundial la tercera y última (?) novela de la universalmente famosa triloxía «Fontenebrosa». Anímovos a tolos desocupaos que lleéis esti modestu blogue, a pasaros pellí y a sentinos falar d’esta última aventura y de les dos anteriores. Como amuesa, póngovos les portaes de les dos primeres ediciones de la historia fundacional «fontenebrosina», la que dio orixe al mitu, de 1984, y la segunda, con dibuxos de Berto Peña, de 1992, dambes agotaes y mui solicitaes por coleicionistes (menos llobos, Capiellina). A ver si vos presten.
