close
Memories d’un vieyu profesor

Memories d’un vieyu profesor

2012-06-02353Visitas

Llégame la revista bimensual CLIJ («Cuadernos de Literatura Infantil y Juvenil») que siempre apurre dalgún artículu interesante al rodiu d’esi mundu, dacuando tan desconocíu, de los neños y rapazos. Tamién la seición de crítica de llibros, gracies a la cual pue ún tar al día de lo muncho que se ta publicando. Enfotu cuasi imposible porque’l mercáu nun ye a dixerir tanta fartura.

Nesti númberu 247, la revista trae delles coses d’interés, como la estaya «La mirada de la infancia«, onde l’escritor y ensayista Juan Tébar va repasando los distintos neños (protagonistes o non) que se paseen per distintos xéneros lliterarios y estremaes dómines. Nesti casu, de magar la novela de ciencia-ficción Odd John, de Olaf Stapledon. Un neñu «raru», con una mente superior. Pero nun ye d’esto de lo que quería escribir güei, sinón d’un artículu que recueye les memories d’un vieyu profesor que, depués de más de 35 años enseñando llingua y lliteratura en BUP y COU, ta al cabu de la retirada. En forma de carta a un antiguu alumnu, Miguel Díez R., que ye como firma, va recordando’l llabor fechu y los métodos qu’emplegó pa interesar a los sos alumnos na materia qu’impartía: La importancia de la llectura; los rapazos ante la llectura; los enemigos de la llectura; la engañifa de la llamada «enseñanza lúdica»… son dalgunos de los finxos nos que’l profesor se va aparando. Tol artículu ta enllenu de bonos conseyos, pero que nun se sofiten nel aire, sinón nos años d’esperiencia de don Miguel lo cual ye toa una garantía. Amás de la enseñanza «en vivo», tien delles publicaciones y antoloxíes que completen la so biografía. Y tamién tien un espaciu na web: http://lanarrativabreve.blogspot.com onde lleva la estaya «Cuentos breves recomendados». Pa finar, amiesto un poema de los dos qu’inclui nel trabayu del CLIJ que me prestaron abondo. Ye de José Antonio Labordeta (1935-2010) y titúlase: «Mi vida frente a los pupitres«. L’otru que pertenez a Carlos Sahagún igual lu pongo otru día.  

                                                                                          Mi vida frente a los pupitres
                                                                               
                                                                         Mientras vosotros estáis con los grafismos
                                                                        contándome la historia de los tiempos,
                                                                        escribo en el silencio de las aulas
                                                                        palabras nostálgicas, recuerdos.
                                                                        Mientras vosotros habláis de socialismos,   
                                                                        de movimiento obrero, de Bismarck el guerrero,
                                                                        contemplo los objetos perdidos en el cielo
                                                                        y escribo versos, tiernos versos de amor y regocijo.
                                                                        Mientras crecéis para hombres y mujeres
                                                                        y del ojo infantil os cuelga tanta vida,
                                                                        asumo nostálgico este tiempo
                                                                        que apenas si me queda entre los dedos.
                                                                        Mientras vosotros vais,
                                                                        yo vengo.
                                                                        Doloroso es cruzarse en el camino.