close
Nel nome de Rendueles y nel míu propiu: ¡Gracies!

Nel nome de Rendueles y nel míu propiu: ¡Gracies!

2012-05-03404Visitas

Con esa fras qu’encabeza el comentariu abastaría. Namás quiero dar les gracies a los qu’ayeri miércoles, día 2, tuvieron el detalle de comparecer, a una hora non mui afortunada, a la presentación de les obres del curina de Cimavilla. Yera un día malu, amás de la hora, pola bayura d’actos que se cellebren nesta Selmana de les Lletres, que torguen el poder tar en dos sitios al mesmu tiempu (salvo pal mocín d’un cuentu míu que se titula «L’home plural»). Asina que toi percontentu col piñu de xente que nos arropó, a Rendueles y a min, pa que nun tuviéremos solos. Y gracies, tamién, a los que se punxeron en contautu conmigo pa dicime que nun podíen asistir. Túvilos presentes como si tuvieren ellí. Un abrazu pa toos.