Dende esta plataformina bloguera, quiero dar les gracies a tolos amigos/es que s’empobinaron a mi, per distintes víes, pa felicitame pola consecución d’esti prestixosu premiu d’ensayu. Don Máximu fue un home illustre, asturianista de pro y enfotáu en llabores de porgüeyu pa les lletres y les ciencies del nuestru país. Ensayo de una biblioteca de autores asturianos, o Bosquejo acerca del estado que alcanzó en todas las épocas la literatura asturiana, seguido de una extensa bibliografia de los escritores asturianos, son dos de los munchos trabayos que fizo esti caderalgu y estudiosu uvieín. El poder llevar un premiu col nome suyu ye, pa min, un arguyu. Gracies, pues, al xuráu y a tolos «felicitantes». Y pa lleer «El síndrome de Sherezade» vais tener qu’esperar cuasi un añu. Paciencia.
