Esti pasáu martes 21 presentóse, nel marcu de l’Arribada, la mio novela «Fontenebrosa II: La rebelión de los Homosaurios». Ficieron de «maestros de ceremonies» Dolfo Camilo Díaz y Severino Antuña. La cosa resultó, al mio xuiciu que ye’l que val, mui prestosa, simpática y, al tiempu, rigurosa, con dos análisis de la obra estremaos, pero complementarios. Dende esti blogue quiero da-yos les gracies a dambos, especialistes en lliteratura xuvenil y amigos carnales, porque sé que siempre voi poder cuntar con ellos, y eso ye dalgo mui grande. Aprovecho tamién pa dar les gracies a los organizadores de l’Arribada por acoyer esta presentación (¡gracies, Humberto!) y alendalos a siguir trabayando pol futuru de la nuestra llingua y lliteratura.
