Da gusto, o seya presta, lleer una bona novela depués d'aguantar una mediocre y afamada historia titulada "El primer caso de Unamuno", onde se pretende meter al buenu de don Miguel en faenes policiaques. Seguro que Luis García Jambrina, al que conozo de dirixir unos ·Encuentros de Verines" sobre Lliteratura Infantil y Xuvenil -a los que fui xunto a don Severino Antuña- seguro, repito, que ye un gran especialista na figura y na obra d'Unamuno. Asina nos lo fai saber...

 

Corría l'añu 1964 y en Bilbao acababa principiar el cursu na Facultá de Ciencies Económiques... de Valladolid. Y ye que d'aquella la universidá del País Vascu entovía nun esistía. Taba la de Deusto, que yera de los cures, y el restu pertenecía al Distritu Universitariu de Valladolid. Los asturianos que queríemos facer Económiques teníemos que dir a ésa, por prosimidá xeográfica, anque yo tenía familia en Madrid y prefería estudiar ellí. Nun pudo ser. En Bilbao, axuntámonos un grupu d'asturianos...

De la xuntanza de dos grandes de la Lliteratura Infantil y Xuvenil namás que pue salir un llibru perguapu. Asina, el poeta Aurelio González Ovies y la ilustradora Ester Sánchez dan a la lluz, o asoleyen que ye más prestoso, el llibru "Una escuela es una casa", editáu por Pintar-Pintar, esa editorial que, tanto n'asturianu como en castellán, tiennos avezaos a interesantes llibros de LLIX. El poeta, Aurelio, va repitiendo en cada un de les cuartetes l'estribillu "Una escuela es...

Pásame muncho con Marta Mori, siempre que lleo dalgo suyo déxame un tastu de tristura, d'emoción contenida, de frases diches a medies, como si nun fuera necesario contalo too, abrise en canal pa tresmitir una idea o un sentimientu que, namás, s'apunta. Cuando lleo poesía -non mui de siguío, soi más de novela- cuéstame muncho analizar el conteníu: Esmenuzar, xulgar, facer una crítica seria. Esfruto más colo que'l poemariu me dexa per otros sentíos que nun son los cenciellamente intelectuales....

Trátase, nidiamente, d'un problema mayor. Falo del tema de los teléfonos móviles nel colexu. Los caberos meses entamóse una campaña empobinada a la so prohibición nel ámbitu de los colexos, poniéndose d'alcuerdu padres y madres, profesores, psicólogos, pedagogos y el propiu Estáu. Los móviles son fonte d'abondos males y hai una montonera d'estadístiques qu'asina lo amuesen. Como too esto ye persabido nun voi a deteneme nello. Namás quixera apuntar una cosa, ensin querer dir a la escontra de tanta y...

Préstame muncho l'actitú vital de Luis Landero, lloñe del escesivu protagonismu de munchos escritores, estrelles mediátiques, que pretenden algamar fuera de los llibros lo que nun son a danos con ellos. Landero, a la escontra, da una imaxen de seriedá y trabayu, de ponderación y de paisanu cabal nuna sociedá descabalada. Eso predispónme siempre a lleer los sos llibros con simpatía. Ensin embargu, nun soi a esfrutar cola so llectura al altor que-y tengo como persona. Pásame tamién con otros...

La editorial Anagrama, onde se publica l'últimu llibru de Roberto Saviano, llámala novela y, poro, nun seré yo quién-y lleve la contraria. Pero a min paezme más un ensayu qu'una novela, eso sí, un ensayu que se llee como la meyor de les noveles: apasionadamente. Porque nella cuéntase a traviés de 580 páxines la verdadera cara de la mafia. O por llamala col llinguaxe verdaderu, la "Cosa Nostra", eso de mafia ye más bien inventu de la prensa, tal y...

Morrió Ricardo, ente'l desconocimientu por un llau y la indiferencia por otru. Namás xugó un añu nel Sporting, la temporada 1956-57, pero a lo llargo de munchu tiempu dexó un güelga pergrande nos que yéremos aficionaos del equipu. Creo que ye nos Evanxelios onde se diz aquello de "poles sos obres los conoceréis" y eso mesmo podemos aplicá-ylo a Ricardo Alós  y a les sos cifres nel añu que tuvimos la suerte de velu xugar n'El Molinón. Y fuera d'él,...

Lléguenme per munchos conductos les bondaes d'esta novela xuvenil, recomendada en munchos colexos como llectura obligatoria yá igualmente recomendada por críticos lliterarios, los pocos que traten esta clas de llibros que, como sabemos, nun interesen muncho al mundu lliterariu, pese a ser los que más se venden nel conxuntu les editoriales. Teníala na llista d'espera pa poder mete-y mano en cualquier momentu, pero vime obligáu a la so llectura a petición de la mio nieta mayor, Julia, pues acababen de...