close
¡Razón tenía Preciado!

¡Razón tenía Preciado!

2011-08-19MouriñoReal Madrid800Visitas

jose-mourinhoCuando, de resultes d’unes declaraciones de Mouriño al rodiu del partíu nel Camp Nou, Preciado dixo que, si yeren ciertes (que lo yeren), Mouriño yera «un canalla», la prensa madrilana, sobre too’l periódicu «Marca», arremetió contra l’entrenador xixonés poniéndolu pingando. Sintiéronse, llueu, otres voces en favor del cántabru, y la cosa terminó morriendo de consunción mediática. Fechos posteriores fueron dándo-y la razón a Preciado, y abaste con mirar que la propia UEFA lu tien condenáu pola so actitú chulesca y faltona escontra árbitros, contrarios y la propia prensa. Un anxelín.

Pero lloñe de reflexonar sobre too ello y procurar, na midida en quepudiere, iguar esa actitú provocativa y faltosa, el tal Mouriño afonda nos baxos instintos, suyos y del so equipu, arrastriando a una entidá que siempre se tuvo por «señorial» a lo más baxo de la consideración social y deportiva. Pue ganase y pue perdese. El fútbol ye un xuegu y, como tal, préstase a estremaos resultaos. Nin siquier un equipazu como tien el R. Madrid, pue garantizate en tou momentu la victoria. Pero lo que nun se pue ye perder los papeles d’una manera tan llamentable, y dexar una imaxen barriobaxera, pendenciera y chulesca. Eso ye lo qu’ufierta Mouriño al R. Madrid d’anguaño. Nunr-madrid m’importa si ye bonu o malu como entrenador, eso ye lo de menos. Nin anque ganare tolos campeonatos del añu se lu podría perdonar, muncho menos si lo que fai ye perdelos y xustificase con coses siempre ayenes al partíu. Siéntolo sobre too, por esi grupu humanu al que dirixe, y al que-y da tan mal exemplu. Y pienso: ¡Que pena me da que, aquel equipu al qu’almiré cuando yera neñu, ande agora enllordiáu por culpa d’esi «canalla»!