close
Adios a «La moto de Pachín»

Adios a «La moto de Pachín»

2011-06-21Nacho FonsecaXentiquina658Visitas

xentiquina11L’anunciu de la retirada del grupu musical «Xentiquina» déxanos un ñudu estrañu nel gargüelu. Avezaos a sentilos tolos años, de la mano del so creador-direutor-alma mater, Nacho Fonseca, cada vuelta con ánimu renováu y plantiya remocicada, va a facesenos mui raro dexar d’escuchalos nes sos actuaciones per colexos o teatros. Ye lo que pasa coles coses bien feches: qu’un llega a acostumase a elles de tal mou que paecen dalgo normal. Pero non, «Xentiquina» foi un pequeñu/gran milagru que fizo más pola normalización del asturianu que tolos escritores (ente los que m’incluyo) xuntos.

Creo representar a los miembros de la mio familia, padres y fíos,cancios-de-xentiquina1 que tan bien lo pasemos cantando los cancios d’esti grupu, dándo-y de corazón les gracies al gran Nacho Fonseca por facenos esfrutar y, al tiempu, prauticar la nuestra llingua a lo llargo de tantos años. Nada ye eterno, pero hai coses que deberíen durar muncho más. ¡Norabona, Nacho! Un abrazu pergrande y dicite que tu, como la moto de Pachín, tamién yes de «primera».