close
Chano Castañón

Chano Castañón

2017-10-19Chano Castañón187Visitas

Tovía nun puedo creyer la esapaición (cuéstame hasta pronunciar la pallabra muerte) de Chano Castañón. Nun puedo dicir que fuere mui amigu suyu, anque conocíemonos de fai una montonera d’años que pa eso vivo a unos metros del café Gregorio onde parábemos davezu. Chano yera mui especial. Pese a que paecía siempre seriu, y cuasi como si tuviere engafentáu, yera una persona con munchu sentíu del humor, d’esi humor xixonudu enllenu de coña marinera. Nun ye raro. Yera un gran pesquín y recuérdolu ilustrándonos a los poco versaos, nun programa de radio que sentíamos, nun recuerdo si na SER. Otros amigos suyos podrán aportar munches más coses d’él y d’esi carauter tan especial. Yo modestamente namás quiero dicir que lo siento muncho y  que l’únicu consuelu que nos queda ye que Chano morrió faciendo lo que más-y prestaba nesti mundu: piescar. Dende equí un abrazu mui grande pa la so familia y n’especial, porque los conozo, a Chema, Angelín y Jesús. Ellos si qu’echaran de menos al gran Chano.
(La semeya ta sacada del blog “Pescando en la espuma”, el vidiu pasómelu l’amigu Pascual Ortiz)