close
Crímenes d’Estáu

Crímenes d’Estáu

2010-05-31424Visitas

gallery-gaza-air-strikes-010Acabante sentir la noticia, y entovía enraxonáu, quiero dende esti modestu blogue personal llevantar la mio voz contra un Estáu, el d’Israel, capaz d’asesinar a 19 cooperantes que, en misión de paz, trataben de llevar comida y melecines a los Palestinos QUE VIVEN NA SO TIERRA. Fechos como esti, retraten la verdadera cara d’un Estáu enfotáu en facer desapaecer del mapa al pueblu Palestín. Por si nos quedaba dalguna dubia, agora queda nidiamente claro qu’Israel nun quier la paz y creo que nunca la quixo. Trata de caltener a los sos propietarios enzarraos en «guetos», mentanto pretende siguir colonizándolos. Que nos vengan otra vuelta cuntándonos lo del «holocaustu» como xustificación de lo que tán faciendo. Aquello foi una traxedia, pero tola simpatía que podríen tener xenerao, yá la tienen abondamente perdida col so talante violentu y xenocida. ¿Habrá una rempuesta por parte de la comunidá internacional o volverán a mirar pa otru llau mientres siguen los crímenes?