close
Déxate emburriar pol «Vientu a favor»

Déxate emburriar pol «Vientu a favor»

Hai llibros qu’encartien bien como entretenimientu, y una vuelta acabaos nun dexen memoria. Hai otros que t’enseñen, y cumplida la so misión pasen a la biblioteca a facer compaña a esi pequeñu balagar que va formando parte la to vida. Pero hai otros qu’hai que tener a mano, pa volver sobre ellos más d’una vegada, lleelos con calma, mazcar les sos páxines y esfrutar con elles. Un d’estos llibros ye’l recien publicáu pola editorial Bajamar/Baxamar, que dirixe admirablemente César García Santiago («Pascual Ortíz»), «Viento a favor – 2».

Recueye esti llibru una pequeña amuesa poética de 40 escritores de dambos sexos con una paridá exemplar: 20 homes y 20 muyeres. Nun sé si ye casualidá o a costafecha pero’l casu ye que cumple esi aspéutu (el de la paridá) de mou mui axustáu. Nesta antoloxía apaecen delles de les coleiciones que tien agora ente manes César. como son la Coleición Granate, la Amarilla, la BaxAmar, la PleAmar y la llamada Miscelánea. Como pue comprendese sedría dafechamente imposible dar cuenta, si quier aprosimada, de tolos autores representaos nel llibru. Caún d’ellos, y d’elles, merecería un espaciu mayor qu’ésti pa dar a conocer la so forma d’escribir y la so calidá lliteraria. Sí puedo dicir que la media d’esa calidá ye mui alta y que poques veces s’atopa una antoloxía tan completa como ésta del «Vientu a favor-2» (ya hubo otra anterior va un tiempu). Poro, el própósitu d’esti pequeñu comentariu nel blogue ye namás anunciar la so esistencia, falar del méritu del so editor y dexar constancia del interés d’un puñáu de poetes, munchos d’ellos desconocíos pal gran públicu, qu’habrá que tener en cuenta pa un futuru mui prósimu. Dende equí munches felicidaes a toos ellos. Y completo lo dicho poniendo un par de poemes, un en castellán y otru n’asturianu, escoyíos pol so menor tamañu, como un anticipu de lo qu’espera a los compradores d’esti pequeñu gran llibru de poesía.

PAUSA TRAS LA TORMENTA                                               MENTIRES

Se aquietan las llamas                                                       El mio fíu entamó a falar.
sobre el campo de luz.                                                       Diz «sede» y pueo da-y agua.

Dos lagos verdes apagan                                                   Diz «fame» y pueo alimentalu.
las últimas cenizas                                                              Diz «mamá, conmigo siempres»
y, poco a poco,                                                                      y al contesta-y «sí» escápame
                                                                                                 una llárima
se asoma una nube.                                                             sabiendo que dalgún día va ser,

Te imagino recogiéndote el pelo.                                      ensin remediu,

Tal vez acabas de llorar                                                       mentira.
y, al fin,
sonríes.                                                                                   Isabel Gutiérrez Novo

Carlos Iglesias Díez