close
Día Internacional de la Poesía

Día Internacional de la Poesía

2018-03-20197Visitas

Préstame lleer a los nuestros poetes asturianos, con un altor de calidá pergrande. Pero tamién me presta sentir la voz d’otros poetes de fuera, na nuestra propia llingua. Estí día que se cellebra el Día Internacional de la Poesía, ye guapo axuntar les dos coses -llingua propia y voz de fuera- nuna torna que fici del famosu poema de Cesare Pavese. Feliz día de la poesía, collacios y collacies.

 

VENDRÁ LA MUERTE Y TENDRÁ TOS GÜEYOS

Vendrá la muerte y tendrá tos güeyos
esta muerte que nos acompanga
dende’l riscar hasta la nueche, insomne,
sorda, como un vieyu reconcomiu
o un absurdu viciu. Y los tos güeyos
sedrán una vana pallabra, un glayíu
calláu, un silenciu.
Asina los ves cada mañana
cuando sola t’abangues
ante l’espeyu. Oh, querida esperanza,
aquel día sabremos tamién
que yes la vida y yes la nada.

Pa toos la muerte tien una mirada.
Vendrá la muerte y tendrá tos güeyos.
Sedrá como dexar un vezu,
como ver nel espeyu
surdir un rostru muertu,
como sentir un llabiu peslláu.
Mudos, abaxaremos al abismu.

                                            Cesare Pavese