- La Universidá Central de Bogotá (Colombia) acaba de pasame, pente medies de la mio editorial en castellán Pearson Alhambra, una invitación p’asistir al «V Simposio Internacional de Literatura Infantil y Juvenil», a cellebrar la segunda selmana de Payares. Conocíu universalmente’l mio mieu conxénitu a los desplazamientos, toi valorando l’asistencia. En cualquier casu, la invitación ye mui prestosa.
- El próximu día 4 de Xunu, a les 7 de la tarde, na sede de la ONCE n’Uviéu, va a presentase la edición en Braille del mio cuentu «La Bruxa Pumarina y el Dragón Maragatu». Asistirá la Presidenta de l’Academia de la Llingua y un servidor. Faime muncha illusión que los neños invidentes puean lleer les mios aventures n’asturianu.
- El Grupu de Llectura de la CCEI (Comisión Católica Española para la Infancia) acaba de colgar na so páxina web, como llibru recomendáu, la mio novela en castellán «El barco de los locos», acompañáu d’una guapa ya interesante crítica. Por si dalguién quier entrar a lleelo, el contactu ye: www.ccei-lij.blogspot.com
