El 22 de mayu cellébrase’l Día Mundial de la Biodiversidá. Esi fue’l tema que sirvió pa facer esti añu l’antoloxía de la Selmana de les Lletres Asturianes. Una antoloxía qu’atropó a 41 escritores asturianos, con un microrrellatu que nun podía tener más de siete llinies. El llibru nun se viende nes llibreríes y ye una pena, porque hai cuentinos dafechamente guapos. Como homenaxe a esti día tan importante, voi poner el míu a ver si vos presta.
EQUILIBRIU
Avanzó col garrote na mano, nin siquier tuvo
menester d’escondelu. La foca esperábalu tran-
quila, cuasi amigable. Por qué tener mieu d’un
compañeru col se que comparte la Tierra. Y
anque entá nun cumpliere los tres meses y
nun tenía idea clara de qué yera la vida, supun-
xo qu’aquel ser bípedu qu’avanzaba hacia ella
venía a saludala. El güelpe enllenóla de sangre,
pero nun la mató. Llástima, porque lo que
vieno depués foi peor. Y mientres ella
algamaba, por fin, a dexar esta vida
y colar pal cielu de les foques, nun llugar
lloñe d’ellí, llamáu Wall Street, la Bolsa
xubía un poco más.
