El «jorobu»

Diba tiempu que nun vía xugar al Sporting. El llevar tres xornaes imbatíu y con siete puntos nesti comienzu de la lliga, llevóme a ver dende casa (porque yera gratis) el partíu del Vicente Calderón. Yá sabéis el resultáu, metiéronnos el «jorobu». Quiero creyer que’l xuegu que ficieron nun ye representativu de lo que saben y puen facer porque, si fuere asina, vamos de cabeza pa Segunda. Un equipu blandu, descoordináu, coles llinies separaes y onde caún paecía qu’andaba pel so llau. Amás ensin nenguna intensidá nes aiciones, perdíen tolos enfrentamientos ente xugadores al puntu qu’asemeyaben un equipu de paisanos escontra otru de «carajillos». Como dicíemos de guah.es: «Dieronnos una mexada». Nun quiero ensañame con ellos nin col so entrenador porque entá ye mui ceo y tol mundu pue tener un mal partíu, pero a onde me lleva esto ye a nun volver a velos xugar nuna bona temporada. Colo contentu que taba, ya me fadiaron la tarde. En fin, esto ye lo qu’hai.