close
Les barbes del vecín

Les barbes del vecín

2016-02-08271Visitas

Vuelven les alarmes a les sociedaes industrializaes. Yá sabemos: durante tiempu y tiempu naide s’interesa polo que pasa nos paises subdesarrollaos, África, Sudamérica, India… Si nun tienen vacunes, que se joroben. Son muertos que nun se contabilicen. Pero como haya una posibilidá de contaxu nos nuestros cómodos ya insolidarios paises: ¡ai, amigu, la cosa cambia! Agora yá tan cagaos por esi mosquitu Zika que pue llegar a picar a los nuestros fiínos. En fin, nun ta de más echar una güeyada a esti vidiu de Mélicos ensin Fronteres pa que veamos lo que pasa per esos mundos de Dios, o del Diañu, cuandu quieren vacunar a un neñín como los nuestros. Ye una parodia mui seria.