Con tou esti enguedeyu de les «preferentes», de los «corralitos» y de los sinvergoña de la Troika, cuasi se me pasa poner una notina sobre’l fallecimientu del gran Bebo Valdés. Y nun quixera que colara pal otru mundu, onde quiera que tea, ensin dedica-y un mínimu homenaxe. La verdá ye que me prestaría que fuere un homenaxe ensin pallabres, porque los que lu sintieron tocar nun les necesiten, y pa los que non, póngo-yos una amuesa pa que vean lo que se perdieron. Amás esta pequeña grabación compártela con otru gran músicu cubanu: na menos que Israel «Cachao» López. Ente los dos sumaben «tropecientos» años, pero sonaben asina. Que la tierra-y seya leve al estupendu músicu Bebo.
