El recién fallecíu y grandísimu direutor de cine, José Luis García Berlanga, poco antes de morrer y pese al so estáu de deterioru, protagonizó un anunciu pa Médicos ensin Fronteres. Unes pastielles «pal dolor ayenu». Una forma de contribuyir, pente medies d’un donativu, a la causa d’amatagar el dolor de los enfermos, de los desplazaos, de los que nun tienen nada. La caxa mércase nes farmacies, cuesta 1 euru, y trae namás unos caramelos. Pero unos caramelos que van facer que, con esi euru que pagues, la ONG axude a tantes víctimes inocentes qu’hai pel mundu. Por exemplu, agora en Haití. Mira l’anunciu:
