Na muerte de «Dani»

En realidá esi nun yera’l so nome. Llamábase Leocadia Olivera Courrou. Su padre yera español y so madre francesa. Yera pequeñina, duce, sonriente y, pese a la so gran cultura, prefería siempres pasar desapercibía, quiciás porque la persona cola que pasó tantos años yera tolo contrario. Fue la muyer d’Enrique Marcos (pa nós nunca fue Enric Marco, como-y dicen agora) a lo llargo de cuasi una vida. Yo conocila va tiempu, pero la mio muyer Amalia yera amiga d’ella. Tenía dos fíes de les que taba mui arguyosa, Elisabet y Ona, y ayeri un de los xenros, pente medies de Monchu Díaz,  avisónos de qu’acababa morrer. La causa la muerte fue un cáncer que tenía declaráu dende va un añu, pero nun me cabe dulda de que la campaña de prensa que s’ensañó con Enrique tuvo d’acelerar la so muerte. Y quiciás tamién esi otru «impostor» que se va a facer millonariu con un best-seller a la so costa. En fin, esta mañana unviamos unes florines al Tanatoriu de San Cugat. Munchos besos a tola familia y pa la bona ya intelixente «Dani», que la tierra-y sea leve. Acabáronse les sos amargures.