close
Nun too ye negativo

Nun too ye negativo

Dacuando danos la impresión de que toles anuncies que nos lleguen, tolo que nos arrodia, ye negativo. Que nun hai naide que se salve de les corrupteles, de les trampes, de les mentires… Nun ye cierto. En silenciu, callandino, y munches veces cola indiferencia social, hai xente que sigue trabayando polos demás, polos más probes, polos marxinaos. Si estos son prósimos a nos, entovía nos conmueven y asina asocede, por exemplu, colos datos que nos ufierta Cáritas, xente que podíemos ser nosotros, pero si pa encima esos probes y marxinaos son llonxanos la indiferencia ye entá más grande. Poro, de xemes en cuando préstame poner dalguna pequeñísima noticia positiva como la que güei pongo. Esti vidiu de menos de 2 minutos que nos manda Mélicos ensin Fronteres a los socios. Miráilu como consuelu a tanta basoria cotidiana.