close
Un prestosu viaxe a Soria

Un prestosu viaxe a Soria

2011-05-04Soria357Visitas

viaxe-a-soria-29-30-1-2011-006Cola siempre bona organización del Atenéu Obreu de Xixón (Lluis Pascual, Balbi y Mar), desplazámonos esti pasáu fin del selmana a visitar dellos llugares de la provincia de Soria. El primer día anduvimos pola capital y allegámonos hasta’l Monasteriu de San Juan del Duero, con un claustru románicu, de transición al góticu, preciosu. Fuimos llueu hasta la Ermita de San Saturio, patrón de la ciudá, dando un paséu per una zona que se llama «el paséu de los poetes», pues pellí anduvieron el bonu de don Antonio Machado, y don Gerardo Diego. La Ermita, construyida penriba de la gruta d’un ermitañu, tien unes vistes sobre’l riu Dueru mui guapes. Pa finar el día, averámonos hasta la ilesia de Santo Domingo que tien un pórticu curiosísimu, pa ser románicu, con un rosetón que nun suel ser mui davezu. Nuna de les arquivoltes hai unes figures de los Reis Magos estrañísimes. Tán como metíos nuna cama, y la figura del mediu paez una muyer. Pongo la semeya pa que se vea.

El segundu día tuviemos en Numancia, onde un de los arqueólogos que tán escavando desplicónos perbién la formaviaxe-a-soria-29-30-1-2011-027 de vivir, de trabayar y de lluchar d’aquellos celtíberos que plantaron cara a Roma y tuviéronla, a lo llargo dellos años, n’estáu d’esceición. Depués pasamos y pasiamos por El Burgo de Osma, ciudá medieval, mui bien curiada y que ye sede arzobispal. Visitamos la Catedral y comimos nun de los asadores del centru. P’aselar el día, caminamos a lo llargo del Cañón del Ríu Llobos, una ruta ente montañes socavaes pol tiempu, y pola man del home. Paisaxe guapu onde los haya.

L’últimu día, yá de camín pa casa, paramos nel pueblu de Calatañazor, «onde Almanzor perdió’l tambor», pueblín pequeñu pero con gran encantu medieval y de gran tradición histórica. La xente, como en tolos sitios nos que paremos, mui prestosa y agradable. Y depués, a pasar otra vuelta’l Negrón onde, viaxe-a-soria-29-30-1-2011-049como siempre, recibiónos la nublina y l’orbayu. Ye lo nuestro.viaxe-a-soria-29-30-1-2011-084

 

 

 

 

 

                         El Burgo de Osma  

                                                                                                                                                                                   Calatañazor

Tags:Soria