close
Los dinosaurios tornen a la tierra

Los dinosaurios tornen a la tierra

2016-09-26626Visitas

dinosaurios-en-santo-domingoUna imaxen pue valir por mil pallabres, pero tamién una pallabra podría valir por mil imáxenes. Nesti casu que nos ocupa dase’l primer enunciáu. Y ye que la semeya qu’acompaña a estes pallabres ye tan prestosa que fala por sí mesma. Nella podemos ver a un piñu de mozos enarbolando un llibru, como un actu antibelicista. Como diciendo: «Los nuestros llibros valen más que les vuestres armes». D’ellos ye’l futuru. Pero la semeya tien, amás, un amiestu sentimental pal qu’esto escribe, y ye que’llibru en custión ye «El cielo de los dinosaurios», qu’escribí al rodiu del añu 2011 na soledá de la mio casa, y qu’agora relluma na menos que’n Santo Domingo, en manes d’unes persones que nunca camenté que pudieren lleelu. Ye guapísimo pa los que tenemos el placer d’escribir que pasen coses asina, sintiendo’l valir d’una actividá individual que tresciende del autor pa integrase en coleutivos qu’apuesten por ella. Un abrazu grande pa l’asociación «Lleva un libro en la maleta», de Virginia Read, y pa tolos sos collaboradores, ellos y elles. Y la verdá, toi encantáu de que los dinosaurios vuelvan a la tierra.