close
Una importante Canal Llectora

Una importante Canal Llectora

2013-05-22Canal Lector400Visitas

Canal LectorAcaba nacer Canal Lector (www.canallector.com) nueva web de recomendación de llibros infantiles y xuveniles editaos n’español nos diversos países que comparten la llingua. Los llibros (más de 10.000 títulos) son seleicionaos por equipos d’especialistes de literatura infantil y xuvenil ente les novedaes qu’espubliza la industria editorial, col oxetivu d’ufiertar una información fondera sobre caún de los títulos más afayaízos pa cada edá.

Ye un recursu pa los profesionales que trabayen ca día esguedeyándose pa facer espolletar la llectura de los más mozos: docentes, bibliotecarios, mayestros, promotores de llectura, bibliotecarios d’escuela, llibreros o cualisquier otra persona que desendolca un llabor de fomentu de la llectura.

Canal Lector provién de SOL (Servicio de Orientación de Lectura), ferramienta creada pola Fundación Germán Sánchez Ruipérez en 2002, por encargu del Ministeriu d’Educación y Cultura y la Federación de Gremios d’Editores d’España, que fue a lo llargo de diez años el website de referencia en llingua española n’esta estaya.

Diez años después, les tres entidaes qu’intervinieron nel nacimiento del SOL dicidieron dar un reblagu hacia una nueva ferramienta. L’anovación propuesta ye doble:

-Axuntar tolos recursos multimedia y d’interación nel senu de la comunidá profesional.

-Trabayar al empar con otres entidaes del ámbitu hispanofalante de les Amériques que desendolquen una xera equivalente pa recomendar llibros infantiles y xuveniles.

Nesi sen, un elementu fundamental ye que la seleición de llibros y conteníos fáigase conxuntamente ente la Fundación (pa los llibros editaos n’España) Ibby México/ A leer (México), Bibliotecas Escolares de Chile CRA (Chile) y Banco del Libro (Venezuela). Esta ye la primer vez que se construi un producto con esti algame global y ta previsto algamar alcuerdos con socios d’otros países pa completar dafechu la visión de la ufierta del másimu posible d’editores.”

Ésta ye la torna de l’anuncia asoleyada na revista CLIJ de l’apaición de Canal Lector. Agora, añadir que tengo l’arguyu de figurar nesta importantísima web, diento l’apartáu de “Nuestros escritores”, onde figuro con una autopresentación y una pequeña biobibliografía. Igual tamién supón un pequeñu emburrionín pal restu los creadores asturianos.