Nestos díes navidiegos, en que avezamos a xuntanos cola xente que queremos (que, por cierto, cada añu ye más difícil), y en qu’entamamos a facer los planes pal añu viniente, quiero felicitar de tou corazón a los que, a lo llargo del 2010, dieron una revolada por esti modestu blogue, acompañándome cola so llectura. Cuido que vos entretuviéreis y que volvais a visitame dacuando. Y como estes son unes feches de fuerte conteníu relixosu, quiero citar un cachín del Evanxeliu, del auténticu, non del de Rouco Varela. Ellí onde Xesús diz: «Bienaventuraos los que tienen fame y sede de xusticia, porque ellos sedrán fartos». «Bienaventuraos los que lloren, porque ellos sedrán consolaos». «Bienaventuraos los que busquen la paz, porque ellos sedrán llamaos Fíos de Dios». Y «Bienaventuraos los perseguíos por mor de la xusticia, porque d’ellos ye’l Reinu de Dios». Y nesti momentu pienso nos Saharauis, y nos Palestinos y nos que muerren n’Africa d’enfermedaes que yá podíen tar esaniciaes y… podéis siguir amestando nomes a la llista.
¡FELIZ AÑU 2011 PA TOOS Y TOES!
