close
Delles pingarates al sabor de la boca

Delles pingarates al sabor de la boca

2015-10-25440Visitas

Bandera d'Asturies-¿Qué pintaba un famosu gaiteru gallegu nun importante actu de los Premios Princesa d’Asturies? ¿Nun hai gaiteros de renome nel nuestru país? ¿Hasta eso van quitanos?

Que nadie construya muros con los sentimientos«. Pero naide, nin los catalanes, nin los anticatalanes.

-A esi Leonardo Padura siempres lu consideraron un mexanís de los que veníen a la Selmana Negra de Xixón. Agora, ensin escribir nada nuevo, yá ye un escritor de cultu. Nada que ver cola lliteratura, claro.

-Valoróse muncho lo que dixo Padura de que tien tres patries: Cuba, la so llingua y el so trabayu. Si yo digo lo mesmo d’Asturies (la patria querida), la mio llingua y el trabayu, de xuru que a dalgunos va a paece-yos mal. ¿Será eso lo de poner murios colos sentimientos?

-Los que siempre ganen el Premiu Princesa d’Asturies son los miembros de los xuraos, que nun se sabe quién nombró nin con qué criterios.

Gracias a esta querida tierra asturiana, que nunca ha fallado a la nación española» (El Rey) Ya dixi yo que valía más que siguiera ensin nombranos.

-L’ausencia de los hermanos Gasol ye una desconsideración tan grande como’l so tamañu. La culpa, una vuelta más, de los xuraos que los escoyeron. Esos que ganen tolos años.

Esther Duflo fala de “cambiar el mundo” colo que tamos d’alcuerdu. Pretende facelo, a lo qu’entendimos, ensin cuntar “con la ayuda exterior, ni con la apertura total de fronteras, ni con el comercio internacional, ni con la expansión de la democracia…” Bien, ella sabrá. Pero colo que nun tamos d’alcuerdu ye colo que diz de que “tampoco hay un culpable o un grupo de responsables de esta situación” (la pobreza nel mundo). Voi dici-y yo un: un capitalismu financieru que busca la másima ganancia ensin reparar en métodos. Porque, nestes condiciones falar de “los propios errores” (los de los probes) paezme un poco de risión.

Ta mui bien que’l Rei fale d’ética y dea la mano a Emilio Lledo, agora que va a entamar el xuiciu escontra la so hermana por estafes múltiples y otres coses poco étiques. Hai families que nun se traten.

La Fundación tendría de crear un nuevu premiu que sería’l de mayor  ésitu. El “Premiu Princesa d’Asturies al Mal Gustu ente los asistentes”. Taría mui reñíu.