close
¡Feliz día de la Reciella!

¡Feliz día de la Reciella!

2014-10-01411Visitas

reciella«Un añu más l’asociación “Reciella: Families pol asturianu” organiza esti domingu 5 d’ochobre nel Muséu del Pueblu d’Asturies, el día la Reciella; un eventu enllenu d’actividaes de toa triba pa families y rapacinos.»

La verdá, nun sabemos lo que tenemos. Qu’un piñu de families xunan los sos enfotos al rodiu de la lllingua, y quieran pal futuru de los sos fíos una enseñanza del y en asturianu ye dalgo mui grande. Equí nun tenemos les famoses ikastoles, munches subvencionaes con perres públiques, nin tenemos grandes sofitos -y cada vuelta menos- pa les asociaciones que lluches por caltener el nuestru idioma, asina que’l méritu d’esta xente de Reciella ye enorme. Y amás fáenlo ensin lloramicar, cola allegría del qu’atalanta que ta cumpliendo un necesariu, pero al tiempu allegre deber: valorar lo que los mayores nos tienen dao, y tresmitilo a los que vienen detrás. Nin más, nin menos.

Asina que vos convoco a toos a asistir a esi prestosu día de la Reciella, el día 5 d’ochobre, nel Muséu del Pueblu d’Asturies na seguranza de que vais a antroxar coles coses de los rapazos y, amás, vais a acoricar a unos pás y mas que tan faciendo lo que tienen que facer, lo que la so conciencia-yos dicta. Eso que nestos tiempos abulta tan difícil.