close
DUELU NES LLETRES ASTURIANES

DUELU NES LLETRES ASTURIANES

2009-04-12nené losada252Visitas

Na tarde del 11 d’Abril, fallecía nel Hospital de Xarrio la mio querida amiga, y gran dama de la poesía asturiana, NENE LOSADA. Dende esti modestu blogue quiero da-y al so fíu Juan Antonio, tamién queríu amigu, el sentimientu del mio dolor por tan grande perda y acompañalu nestos tristes momentos, namás amenorgaos pol pergrande cariñu que tolos que la conocimos-y profesábemos. A la espera de poder espresa-y, con un pocu más de distanciamientu, el respetu humanu y lliterariu que-y tenía, sirva un de los sos poemes como homenaxe humilde, pero carnal a la hora d’esta despidida. ¡Descansa en paz, Nené!

nene-21¿Por qué andas metida
ente los versos,
ternura,
cuando escribo?

Que siempre t’alcontro
nos renglones,
sin pedime permisu.

Deixa que la crudeza
l.lene l’espaciu
que ta vacíu.

Déixala, qu’entre poetas,
la probe,
non tien amigos.