Mándame’l direutor de la «Casa del Lector», Kepa Osoro, los nuevos programes de la so importante institución asitiada en Madrid y que van empobinaos a profesionales y «mediadores» de llectura. Too eso que tanta falta nos fadría n’Asturies pa completar el trabayu d’escritores, dibuxantes y editoriales. Col títulu xenéricu de «Díálogos de Otoño» entámense tres interesantísimos cursos:
1) «De la cuna a la nube. Un intinerario lector que involucra a la familia«. Onde se pon como abellugu primixeniu pal futuru neñu o neña llector, a la familia. Nesos primeros años onde s’eduquen los sentíos y los sentimientos. Onde cola rima, el ritmu, la oralidá y el xuegu van dir naciendo les primeres histories, los primeros cuentos.
2) «Álbumes ilustrados. Educar la mirada«. Un analís del importantísimu papel que xueguen los álbumes illustraos nes primeres llectures. Los mundos imaxinarios que medren nos neños y tamién la mirada del mundu propiu, el nuestru, el real.
3) La biblioteca escolar de calidad. ¿utopía o ilusión? O cómo facer que les biblioteques escolares seyan funcionales, prestoses ya interesantes con presupuestos bien menguaos, como los qu’agora hai.
Pal que quiera más información, darréu póngo-y unos interesantes enllaces:
http://casalector.fundaciongsr.com/story.php?id=762
http://casalector.fundaciongsr.com/story.php?id=763
http://casalector.fundaciongsr.com/story.php?id=764
Y gracies, como siempre, a Kepa por tenenos informaos de toles sos actividaes, siempres d’interés.
