close
La Olivina 500

La Olivina 500

2014-03-13La Olivina 500415Visitas

Bandera d'AsturiesPues sí, un poco» a lo xo», y resulta que yá lleguemos a la Olivina númberu 5oo dientro d’esti blogue que yo firmo. Miro los datos y paezme que ye imposible, pero los marcadores tán ehí, dientro del propiu blogue pal que quiera consultalos. Y eso que nun me los punxeron de mano, sinón yá pasáu dalgún tiempu. Pues bien, esos contadores dicen que’l blogue principió en xineru del 2009, o seya que llevo con esto más de cinco años. Que’l total de visites asciende a 285.842 (¡manda madre, cuántu desocupáu hai pel mundu!), y que les entraes rexistraes son, ensin cuntar ésta, 1.157. Pa completar los datos (yá puestos a dar la turra…) puedo dicir que’l «record» de visites nun día fueron 450. Miro lo primero qu’escribí (tol mundu pue facelo picando na fecha que correspuende) y veo que’l mio primer comentariu titulábase: «Un negru na Casa Blanca«, pa que se vea lo qu’orbayó dende entós. Y la mio primer Olivina nel blogue (enantes yá tenía otres cuantes escrites) fue una que dicía: «Les pallabres nun siempre espeyen la verdá. Por exemplu, los Valones nun son los que más entienden de fútbol». Cuasi nin la recordaba. En fin, amiguinos, que’l tiempu pasa y nosotros pasamos con elli. O seya, que nos facemos vieyos.  Pero bono, corto’l rollu y paso a llantar la famosa Olivina que correspuende a esti día. Espero que vos preste:

LA OLIVINA (500) DEL DÍA.-

Nacionalista asturianu (definición): «Persona permanentemente cabreada col so propiu País»