Tuvo un prestosu percorríu l'últimu llibru que publiqué, de títulu "Páxines del diariu de Simón", editáu por Pintar-Pintar. Un cachín -mui pequeñu- de les vivencies d'un chaval de Primaria que fai amistá con Héctor, un neñu autista que se sienta al so llau. Nun voi a cuntar muncho más del llibru, sobre too porque yá anduvo de revolada peles "redes sociales" gracies al llabor de la editorial y a los amigos que lo compartieron. Pero sí quiero dar les gracies...

Avisu de RENFE: Escapóse una catenaria asesina emperrada en fundir a tolos trenes asturianos. Recompensaráse al que la detenga.

El programa anunciaba pal Teatru Xovellanos una "Gala Lírica Asturiana", lo que paecía indicar que se trataba d'un recital con canciones llíriques asturianes. Nun yera asina. Los que yeren asturianos yeren los intérpretes, mentanto que'l conteníu de l'actuación taba compuestu por dúos y aries d'ópera. Nun importó'l cambiu porque, amás d'unes guapes obres llíriques asturianes tamién cuntamos con dalgunos grandes intérpretes, como ye'l casu de los que nos acompañaron esti día nel Xovellanos: l'allerana Beatriz Díaz y el xixonés Alejandro...

Una de les meyores coses que traxo la tan mentada Constitución fue'l llaicismu. Ye dicir, qu'una cosa ye l'Estáu y otra la relixón. Y ésta, la relixón, tien de quedar pal ámbitu priváu y que cada quien faiga, nesi tarrén, lo que quiera. Eso nun niega la esistencia de colexos o universidaes privaes confesionales, onde'l catolicismu (la creencia mayoritaria) seya d'obligáu cumplimientu nin, por supuesto, l'asistencia a los llugares de cultu pa los que profesen esa o cualisquier otra relixón....

El PSOE entró por Buleríes y salió por Soleares.

¿Y eso qué ye? Me lo espliquen, porfa. Me lo esplique bien esa Secretaria d'Organización de la FSA, esa que diz  que "...nuestra oficialidad es amable, se aleja de las imposiciones. Tiene más que ver con un derecho de preservar nuestra identidad que con una obligación". Eso habrá que lo esplicar un pocoñín más claro, ¿non? Porque una cosa ye qu'a naide se-y obligue a espresase n'asturianu, respetando la llibertá de caún al so emplegu, y otra cosa ye que la...

Esti día 25 de payares conmemórase (más bien tendría que dicir "recuérdase) el día escontra la violencia sobre les muyeres. Too ye poco p'acabar con esa llácara que debería avergonzanos a tolos paisanos, porque la sociedá nun la ficieron sólo los maltratadores, sinon toos, por más que dalgunos siempre lluchamos por meyorala. Nesti día, digo, podríen alegase munchos argumentos oxetivos pa reivindicar la desapaición del maltratu y la igualdá d'homes y muyeres a tolos niveles. Lo que supondría, d'una vez...

El Premiu Edebé de lliteratura xuvenil ye, seguramente, el más importante d'España en rellación cola so dotación: na menos que 30.000 euros de bellón lleva'l ganador. Eso nun garantiza la calidá de les obres ganadores, como bien sabemos pol Premiu Planeta que da munches perres y hai de too, pero deberíemos suponer que nésti, nel Edebé, nun hai tantes "presiones" (por llamalo de dalgún mou suave) como nel de la familia Lara, que "suelta" 600.000 eurazos pal ganador/a y más...

"Que se quede el infinito sin estrellas, o que pierda el ancho mar su inmensidad, pero el negro de tus ojos que no muera y el canela de tu piel se quede igual..." El boleru ye más qu'una canción. Al igual que'l tango, o la copla, son pequeñes histories cantaes. Cachinos de vida, cuasi siempre dramáticos, que siguen una cadencia determinada. Al llau d'esta música d'agora (falo como un vieyu) que nun se pue reproducir y cuyes lletres nun me...

Siempre va a haber fallos xudiciales. Los xueces, ellos y elles, tienen un oficiu cuasi divinu: decidir sobre'l destín d'una vida, de una persona. Catalogar los sos actos morales y físicos. Concede-y -non n'España pero sí n'otros llugares- la vida o la muerte. Pero, pese a esa función destinada namás a los dioses, ellos nun son dioses. Son persones como tu y como yo y, por tanto, febles, suxetos a error, influyenciables, vendibles o comprables (como tu y como yo),...