Andamos toos un poco enguedeyaos col tema de la famosa crisis. Los "Medios", como dicen agora los rancios, quieren metenos en cuerpu más mieu del que yá tenemos, anunciando y sopelexando términos apocalípticos que van cumplise, como la Fin del Mundu bíblicu, en cuantes llegue l'Anticristu, si ye que yá nun llegó. Sería babayo negar esa crisis porque les cifres tán ehí pal que quiera veles, pero nesti momentu ye, precisamente, cuando hai que mirar pa otres realidaes prósimes, que...

Una ecuación de tercer grau ye la que s'obtién del alumnu mediante tortures.

Vi, nun va munchu tiempu, na "tele", una película en qu'una pareya merca un caserón nes afueres d'una gran ciudá, dispuesta a esfrutar del so particular "paraísu natural", lloñe de la contaminación urbanita. Bien ceo pescancien que la casa ye una ruina, na que nun funciona l'agua, nin la lluz, les muries y escaleres caen en baxo, y el teyáu ta enllenu de goteres. Ríeste muncho coles sos llaceries. Nun da tanta risa, ensin embargu, pescanciar qu'Asturies, esa que llamamos...

Yera tan probe, que les sos fases de la lluna taben siempre en cuartu menguante.

Tamos en plena batalla pola financiación autonómica. Cauna de les comunidaes que compón el puzzle español, afila les sos armes (metafóriques) pa nun salir perxudicada nel repartu d'una tarta que tien mal repartu, porque dalgunos yá lleguen a él con manifiestes ventaxes. Unos porque, calteniendo unos privilexos hestóricos que los beneficien, nun se valoren como los demás, y otros porque, cuntando cola so fuerza parllamentaria y les presiones que puen facer nel Gobiernu del Estáu, quieren algamar otros privilexos que...

Yera un home mui indecisu, en llugar d'entrar "en coma", entró en puntos suspensivos...

Títulu: "El chino" Autor: Henning Mankell Traduc.: Carmen Montes Cano Ed. Tusquets Editores Tengo dicho en dalgún sitiu (creo que fue na entrevista que me ficieron pal llibru "Las novelas de Gijón") que l'autor suecu Henning Mankell ye un de los mios favoritos, y que la so coleición de noveles que tienen como "mocín" al inspector Kurt Wallander, merecen asitiase en llugar d'honor dientro de la lliteratura d'anguañu, nun sólo la policiaca, sinón de la lliteratura en xeneral. Otru día...

L'ilustre físicu asturianu Xuan Pintueles caltién nun informe que los rayos catódicos son dos: Isabel y Fernando. Dientro del mesmu informe Pintueles afirma que los rayos "uva" son los que se tomen en familia, durante les campanaes de Nuechevieya.

Yá entró con mal pie nel nuestru País. Tocó-y oficiar la misa-funeral pol alma del Padre Federico Fierro, notable bablista y asturianista, presidente del Coleutivo de sacerdotes Manuel Fernández de Castro, traductor al asturianu de la Biblia, de los ordinarios de la Misa, de la lliturxa de domingos y festividaes y del poeta Pushkin, ente un cientu d'actividaes más en porgüeyu de la nuestra arrequexada llingua. Don Carlos Osoro, nun ye que nun dixera una sola pallabra na fala del...

Según el Vieyu Testamentu Dios fizo'l mundu en seis díes y el séptimu descansó