Cuando nel añu 2008 diéron-y el premiu Príncipe d'Asturies de les Lletres mui pocos la conocíen, y los periodistes tuvieron que tirar de Wikipedies y coses pol estilu pa poder poner dalguna cosa y recomendar obres suyes. Nun quiero tirame pegotes pero yo yá conocía dalgo d'ella. Nun tien nengún méritu porque la verdá ye que soi mui clásicu nos mios gustos pero, casualmente, un d'esos gustos clásicos (clásicos en min, que non "lliterariamente" clásicos) ye la Ciencia-Ficción.  Y, yá...

Lo qu'habría que condenar ye l'enaltecimientu del amarillismu.

El xenial Berlanga filmó "Todos a la cárcel" allá polos años 90 del sieglu pasáu. Si'l probe llevantara la cabeza vería que cerque tuvo d'acertar col guión del Process: tamién toos a la cárcel. Ensin embargu nun ye cosa de coña  lo que ta pasando. Ye serio, mui serio. Nun sólo eso, sinón que les coses paez que tán engafentándose entá más, lo cuál yera difícil d'imaxinar. El problema catalán, porque problema ye y nun d'anguaño sinón de va munches...

-Llamándose Universidad Rey Juan Carlos, ¿qué podía esperase? -Asociaciones d'Estudiantes presenten una denuncia delantre la Fiscalía. ¿A qué son toos de la CUP? -Apaez el trabayu fin de master de la Cifuentes. Polo visto taba na nevera del Rector envolviendo unes calabaces. Paez que Cifuentes matriculóse dos veces del mesmu Master. ¡Coime, sería pa xubir nota! Verás como la culpa de too tienla esi Zuckerberg. ¡Qué se preparen los bedeles! Son como los mayordomos nes noveles policiaques.  

Préstame lleer a los nuestros poetes asturianos, con un altor de calidá pergrande. Pero tamién me presta sentir la voz d'otros poetes de fuera, na nuestra propia llingua. Estí día que se cellebra el Día Internacional de la Poesía, ye guapo axuntar les dos coses -llingua propia y voz de fuera- nuna torna que fici del famosu poema de Cesare Pavese. Feliz día de la poesía, collacios y collacies.   VENDRÁ LA MUERTE Y TENDRÁ TOS GÜEYOS Vendrá la muerte...

Nesa nueche llarga que fue la posguerra española, había dos periódicos, consideraos como de mui mal gustu y propios de xente de baxa condición, que yeren los que más vendíen de la prensa nacional. Esos periódicos yeren el "Marca" y "El caso". El primeru, qu'entovía dura a lo que paez con bona salú, y el segundu, dirixíu pol medio asturianu Eugenio Suárez, que yera un periódicu llamáu "de Sucesos". O seya, ellí veníen tolos crímenes cuntaos con detalle y acompangao...

Yo, como Lurdes Álvarez, tamién quiero anular dalgún adiós, por exemplu, el suyu. Sé que nun va ser asina, cuido que la gran escritora va siguir ufiertándonos coses tan guapes como hasta agora pero quiero, amás, que nun tarde tanto. En fin, empezaré pol principiu como tien de ser. Presentóse esti día en Xixón l'últimu poemariu de Lurdes Álvarez, "P'anular los adioses". Y fízolo nuna pequeña/ gran llibrería que tengo enfrente la mio casa que se llama "La librería de...

Aprovecho'l títulu de la peli de Manuel Gutiérrez Aragón (la metada del cielu son les muyeres) pa comentar dalgo de lo pasao esti día. Toos sabéis que toi refiriéndome a la güelga y a les manis que refervieron les nuestres cais. Y cuando digo les nuestres quiero dicir a les del mundu en xeneral, y a les de los paises occidentales en particular. Lo d'España fue apavoriante y lo más cercano, lo de Xixón, espectacular. Pero hai de valorar muncho,...

Tengo dicho yá otres veces que lo que se llama "igualdá" de les muyeres nun se refier a que quieran ser como paisanos, probes, diben salir perdiendo, sinón al fechu de tener los mesmos derechos y les mesmes oportunidaes que nosotros. Hasta agora nunca fue asina. En nengún sitiu, nin siquier nos más avanzaos. Y cuando s'algame esi día (que s'algamará) nun fadrán falta más díes de la muyer, igual qu'agora nun hai "el día del home", porque lo que...

¿Qué más pue dicise? ¿Qué novedá podríemos aportar a esta avalancha, a esti tsunami de frases, opiniones, deseyos, alcordances, oraciones...? ¿Qué amestar a les imaxenes, los comentarios, los lloros, les emociones ya espresaes? Nada, daveres. Véome incapaz de dicir dalgo que yá nun se dixere. Falaron los futbolistes, nuevos y vieyos, los direutivos, los políticos, los aficionaos, sobre too los aficionaos y, milagrosamente, xuníos nel dolor... Queda, entós, namás dicir que sí, qu'un tamién se suma a too ello, que...