Xandru Fernández ye un tou tarrén de la lliteratura asturiana. Nun sé en que xeneración del Surdimientu lu asitien los espertos (que los hai) pero a min eso ye dalgo que m'importa un pitu. Sí sé que lleva munchos años escribiendo y, penriba de too, escribiendo bien: Novela, cuentu, poesía, ensayu... Como se diz de los cantaores flamencos: domina tolos palos. A los qu'escribimos nuna llingua minoritaria quédanos siempre la dulda de cómo resultaría si lo ficiéremos n'otra llingua distinta,...

Dacuando les pallabres engañen: lo que más contamina la tierra son los purines.

Yera la representación de "Pelléas y Mélisande" de Debussy. L'escenariu, el teatru Campoamor d'Uviéu. La megafonía da l'anunciu avezáu de desconeutar los móviles y nun facer semeyes durante la representación. Dícenlo en castellán, n'inglés y, por primer vez, n'asturianu. Diz la prensa qu'hubo pitos y pataleos pa la llingua asturiana. La verdá, cuéstame alcontrar les pallabres pa definir eso. Seguro que les hai, pero dexo'l tema pal estudiu de los siquiatres porque, de verdá, esto ye un tema mélicu. Podríen...

Puigdemont aconceya con unos diputaos de Les Isles Feroe. El bacalao pa Cataluña ta aseguráu.

Asistí, como xuráu que fuí de dalgún de los premios que se dieron (los dos de Narrativa en castellán y asturianu), a la entrega que se fizo nel Aula Magna del Edificiu Históricu de la Universidá d'Uviéu. Como supongo que tol mundu tará enteráu pola prensa o la TPA del desarrollu del actu, pongo namás dalgunes impresiones personales al rodiu del tema. Ye un méritu grande por parte l'Asociación d'Escritores d'Asturies el siguir cellebrando estos premios, añu tres añu, pese...

1.- AMAGÜESTU: Suena un poco a amagüestu y un muncho a cacicada centralista, el rechazu a la especialidá d'Inxenieru d'Organización Industrial que taba solicitada pal Campus de Xixón. Llueve sobre moyao. Muncho hubo que lluchar dende la capital de la Costa Verde, la ciudá más poblada d'Asturies, pa poder llevar alantre esti cachín d'Universidá del que gociamos anguaño. Nun vamos recordar agora -facíalo l'otru día El Comercio- les posiciones cerriles del exrector de la universidá uvieína, l'ínclitu Teodoro López-Cuesta, torgando'l...

A esi Puigdemont ¿nun habría que da-y una patada en culo telemática?

Tráxome'l buenu de Papá Noel unos pocos llibros pa enanchar la llista de lo que tengo pendiente de lleer. Diba a asitialos onde-yos correspuende, a la cola, pero d'ente ellos rescaté un porque: 1) Ye una novela que ta en munches llistes de les meyores del añu, con unes crítiques "descomanaes".  2) Ye una novelina curtia que pue lleese nun par de sentaes. Asina pues, "colé" a "La uruguaya" per delantre d'otres cuantes que tienen d'esperar el turnu correspondiente. De...

Los perros Lazarillo ¿tamién son anónimos?

Pa los que somos de Xixón "de tola vida" (gueyu: non confundir colos del xixonín del alma, esos cursis xeneralmente foriatos) el nome de "Ludi" y el de la so obra cimera, "Un kilo de versos", tráennos recuerdos de la nuestra neñez perdida, porque fue ésti un personaxe popular onde los hubo y mira qu'hubo munchos. Don Luis Fernández Valdes, qu'esi yera'l so verdaderu nome, nació xunto al ayuntamientu, no que güei son oficines municipales y onde tuvo'l so negociu...