En vez de poner eses llistes de llibros que tol mundu pon, colos que más te prestaron y los que menos, y patatín y patatán, voi poner lo que me suxere la última llectura d'El Comercio que tengo equí al mio llau, mentanto sudo la media gripe que tengo y qu'esperó azorramplada pa despidir l'añu. La semeya de portada ye pa la que llamen "xeneración del mileniu", o seya los rapazos y rapaces que van col sieglu y esti 2018...

"Hai años que nun ye qu'acaben, ye que nunca debieron principiar". Xuan Pintueles, filósofu.  

La "media vida" nun ye una midida de tiempu, porque nun sabemos cuánto va a durar esa vida. Podría selo si faláremos d'un difuntu, entós sí sería mui fácil de calcular. Afortunadamente nun ye'l casu. Yo creo, entós, que la media vida ye una midida sicolóxica. Un fala d'ella cuando ye consciente de la so adultez, d'una etapa de la so vida que se zarra y d'otra etapa que nun sabemos lo que va durar pero qu'intuimos que yá nun...

Presentóse, con una entrada de xente curioso pa les feches nes que tamos, un llibru del autor xixonés Emilio Robles Muñiz (a) "Pachín de Melás", nuna edición a cargu del filólogu Ramiro González Delgado, cola gabita de la so hermana Clara y espublizáu por l'Academia de la Llingua Asturiana. Trátase de la "Obra manuscrita", frutu de la investigación llevada a cabu pol editor ente los papeles que Pilar Robles, fía d'Emilio Robles, guardaba con procuru na so casa. Ramiro González...

Ingresáu nel HUCA el Presidente Javier Fernández por un problema de bicefalia.

Esti día, por invitación del amigu Ánxel Ávarez Llano, desplacéme hasta Turón invitáu a participar nun "Alcuentru con autores", nel Atenéu d'esa llocalidá. Elli esiste un Club de Llectura que quixo lleer la mio novela "La vida de siempre" y comentala llueu conmigo. La tertulia del Club de Llectura tuvo compuesta toa por muyeres, muncho más participatives que los paisanos en cuasi toles actividaes culturales y, sobremanera, na lliteratura. La cosa resultóme mui prestosa porque'l grupu de muyeres, toes más...

Paez que Trump quier volver a unviar astronautas a la lluna. De momento él yá ta ellí.

En lloor -y en golor- de multitúes morrió esti día'l cantante y actor francés Johnny Hallyday. Como los franceses son asina, entamaron una mui gorda, una especie de folixa necrolóxica pa despedir al rockeru del que práuticamente nun s'alcordaba naide. Pero bueno, equí montóse cuando morrió Enrique Tierno Galván, "el vieyu profesor", con retrasmisión televisiva que dirixó na menos que Pilar Miró. Con eso y colo d'asaltar la verxa de la Virxen del Rocío tamos buenos pa callar. A min...

Acataba les lleis, pero sólo por imperativu llegal.

Tuvi na presentación del últimu llibru de Roberto González-Quevedo -"La nieve de Pesicia"- na llibrería La Buena Letra. Lo primero que quiero dicir ye que Rafa Gutiérrez Testón debería tar subvencionáu por dalguna alministración, porque fai más llabor cultural que media docena de conseyeros del gremiu.  La so llibrería ye un ágora y un agora pa los ciudadanos xixoneses, opinión que nun ye sólo mía. Pero bueno, vamos al granu. La persona escoyía pa facer la presentación, la bona amiga...