Les encuestes a pie de urna siempre fallen, y ye que, como sabemos, les urnes nun tienen pies.

Yera divinu cuando se lu sentía cantar, pero abondo demoníacu na so vida normal y dicen que con tendencies mafioses. La voz cálida de Frank Sinatra -y el restu del cuerpu- cumpliría agora los cien años, como la Mamá de la película de Saura. Teníalo difícil con una vida tan disipada. Pese a que yera un tipu pequeñán y desgarbáu, traía a les moces de calle, tal y como cantaba aquel grupu folklóricu vascu que se llamaben "Los Xey" na...

Paez que'l rapaz qu'agredió a Rajoy yera del ala izquierda del psiquiátricu.

Esti día la poeta, y otres munches coses, Ángeles Carbajal presentó una novela mía -"Cuadernu robáu. Diariu de Concha"- na llibrería "La buena letra". Ente les coses guapes que dixo Ángeles, dio una definición de lo que ye, pa ella, una Olivina. Cópiola porque me prestó muncho: "Una Olivina ye un petardu verbal lluminosu que namás estalla conviértese en carcajada".

El domingu pasáu, tuvi viendo un poco la última parte del Campeonatu d'Europa de Campu a Través que se celebraba nuna llocalidá francesa. Fue un gran trunfu del equipu español que ganó la medalla d'oru por equipos, cola puntuación más baxa de la historia (equí cuanto más baxa ye meyor). Polos nomes de los españoles yá ta dabes cuenta de que nun yeren nacíos na península, nin nes islles: Bezabeh, Mechaal, Lamdassem, Fifa... ente los primeros, anque tamién taben Roberto...

Alfonso Guerra nun sabe nada de guerra.

Nunca una Dictadura fue más democrática. Les dos veces que los presidentes de Venezuela perdieron les votaciones (la primera Chávez cuando quixo cambiar la duración de los mandatos na Constitución y la segunda hai unos díes) reconocieron la so derrota y aceutaron los resultaos al día siguiente. El restu de les veces, nun ye que fueren una dictadura, yera que ganaben les eleiciones, con presencia d'observadores internacionales. Pue nun gustanos un gobiernu (a min el del mio país nun me...

Dalgunos malos estudiantes quieren les facultaes con "númerus fatus".

Apellidábase como mio padre: García Suárez -cosa abondo común n'Asturies- pero toos lu conocíen como Marcelo el socialista. Morrió esti día en Xixón anque yá llevaba un tiempín -dende que morriere Encarna, la so muyer- que nun yera'l mesmu. Marcelo fue, durante los llargos años de la Dictadura, polo menos los que yo conocí, l'esponente del socialismu na nuestra tierra. Y fue l'esponente porque yera l'únicu. Tres la guerra, el potente Partíu Socialista quedó muertu, encarceláu o nel esiliu, y...

TÍTULU: Calle de las Tiendas Oscuras AUTOR: Patrick Modiano TORNA: María Teresa Gallego Urrutia EDITORIAL: Anagrama AÑU: 2009 (d'un orixinal de 1978) ESCURA MEMORIA.- Patrick Modiano ye un de los más afamaos escritores franceses al puntu que tien, como los equipos de fútbol, verdaderos "fans": los modianistes. Autor de cultu, cuasi tola so obra ta traducida al castellán y la mayoría na editorial Anagrama. Pese a too, yo nunca nun lleere nada d'él, y fue Ángeles Carbajal, tomando un café, la...