Europa sigui ablayada y ablucada pola catástrofe del avión estreldáu nos Alpes franceses. A la conmoción de les 15o persones muertes, xúnese agora'l fechu de que nun fue un accidente nin un atentáu: polo que se diz fue un actu voluntariu del copilotu que se suicidó, arramplando coles vides de tolos demás ocupantes. Dao que'l fechu ocurrió na vieya Europa, o seya, nel nuestru cachín de cielu, los periódicos y televisiones ocupen enormes espacios a cuntar -con detalles dacuando morbosos-...

"Podemos" se piensa si meter la Oficialidá nel so programa. Nosotros nos pensamos si meter a "Podemos" nel nuestru programa.

La opinión política ye como la del fútbol: tol mundu ye seleicionador nacional. Poro, supongo qu'en tolos mentideros d'opiniones polítiques habrán esmenuzao, por activa y por pasiva (¡qué espresión más guapa!) los resultaos de les eleiciones andaluces, y tendrán sacao les conclusiones corréutes caún de los "opinadores", anque la mayoría seyan contrapuestes. Voi dicir yo lo que se m'ocurre, total un más nun importa. Y lo primero que se m'ocurre ye qu'a los andaluces va-yos la marcha. Porque dime tu...

Paez que nun ye cierto que, a la vista les eleiciones, el PP quiera cambiar el nome pol de “Xodemos”.  

Esti añu 2015 celébrase'l IV Centenariu de la edición de la segunda parte del Quijote, de don Miguel de Cervantes. Al rodiu d'él, vienen publicándose un balagar de llibros de toa mena, dende estudios y ensayos, hasta lliteratura infantil pa toles edaes. Poro, y debío a l'abundancia, nun quiero güei deteneme na inmortal obra cervantina, sinón recordar que, tiempu depués, allá pol 1792, publicóse una especie de "réplica" per parte de don Alonso Bernardo Ribero y Larrea, cura de Ontalvilla y despoblado Ontariego...

Últimes noticies: Paez que los restos alcontraos na Ilesia de Les Trinitaries nun son los de Cervantes, son los d'Avellaneda.

Cuando aportamos al salón d'actos del Atenéu Obreru, había proyectáu nuna pantalla un oleu de José Cuevas tituláu "La romería". La mio muyer entrugóme, tovía ensin sentanos: "¿Qué te recuerda esi cuadru?". Ensin dudalo respondí: "A la Sidra El Gaiteru". Porque, n'efeutu, esa imaxen del gaiteru pintáu por Cuevas fízose un modelu de los gaiteros publicitarios. Pues bien, con esa imaxen anició la interesantísima conferencia del profesor de la Universidá d'Uviéu, Jorge Uría, que llevaba por títulu: Les romeríes asturianes al...

Polo que diz esi Pedro Sánchez d'Hunosa debe creyer que se trata del país de los Hunos.

Cuando nel escenariu too funciona, y cuando esi bon funcionamientu llega'l públicu, produzse esi momentu máxicu, esa comunión d'obra y espeutador cuyu resultáu ye l'ésitu. Eso fue lo que pasó la nueche del vienres nel estrenu en Xixón de Madama Butterfly. La obra de Puccini nun ye fácil, si ye qu'hubiere dalguna ópera que lo fuere. Y nun lo ye porque tola obra, esceuto los primeros diez minutos, recai sobre la figura omnipresente de la protagonista. Esa neña que principia la so...

Títulu: Perdida Autora: Gillian Flynn Torna: Óscar Palmer Yáñez Editorial: Mondadori Añu: 2012 UNA PAREYA AUTODESTRUCTIVA.- Tenía les mios dubies enantes de principiar a lleer esta novela, porque nos últimos tiempos y de mou mui rápidu, convirtióse nun verdaderu best-seller con ventes millonaries y l'acompañamientu d'una película que tampoco nun fui a ver. Pero'l comentariu favoratible de dalgún amigu emburrióme a empezala cola condición sine qua non de llegar, siguiendo'l compromisu conmigo mesmu, polo menos hasta la páxina 100. Tengo de dicir...