Dacuando, viendo les milenta llaceries que pasen pol mundu, éntranos un aquello de mala conciencia y pensamos si nun podríemos facer dalgo p’aidar a esa probe xente víctima de guerres, de catástrofes o d’enfermedaes. Homes, muyeres y neños padecen y muerren a lo llargo d’esti planeta nuestru, ensin que, unes veces porque nun podemos y otres porque nun sabemos, seyamos a echa-yos una mano. Yo collaboro modestamente con Mélicos ensin Fronteres, con una cuota que vien a ser el costu d’un par de cerveces al mes. Sé qu’esti ye un momentu perdifícil pa toos, con paru y poques perres, pero hai que pensar qu’otra xente ta munchísimo peor que nosotros y quiciás ensin la nuestra axuda nun puedan salir alantre. Vidios como’l que me pasa esta ONG, dan muncha moral pa siguir trabayando. Ye mui curtiu, echái una güeyada.
