close
Na muerte de Nel Amaro

Na muerte de Nel Amaro

2011-04-04Nel Amaro503Visitas

nel_amaro_y_pulguAvísame Antón García de que l’escritor (y otres munches coses) Nel Amaro, acaba morrer. Entovía mui afectáu pola anuncia, quiero dende equí da-y el pésame y unvia-y un fuerte abrazu a tola so familia. Anque diba yá tiempu que nun lu vía, hubo una época en que fuimos mui amigos. Home de fuerte carauter y gran corazón, presidió a lo llargo dellos meses una de les Asociaciones d’Escritores n’Asturianu qu’hubo nel pasáu. Foi siempre un militante de la Cultura, a la qu’entendía como un actu de provocación, dafechamente empobináu a favor de les causes solidaries. Poeta, novelista, autor teatral, dexa una amplia ya interesante obra qu’agora podrá estudiase en tola so dimensión. Descanse en paz l’amigu Nel y que la tierra-y seya leve.