Pido perdón por adelantao por si dalguién se sintiere ofendíu pol títulu, porque'l "Xuanín Quiniela" del que falo nun ye otru que'l gran Papa Xuan XXIII. Pero toi seguru de que si él viviere, reíriase al sentir el mote que, al so nomamientu, púnxó-y esi "pueblu llanu" al que tanto quixo. Y ye que, un pueblu como'l nuestru, tan dau a tou tipu de xuegos, nun podía dexar pasar per alto eso de la "equis", "equis", "un", "un" y "un",...

Tenía mui altu'l llistón del fracasu.

Va a paecer que soi un oportunista por emplegar un términu tan de moda (por desgracia) na sociedá española y nos medios de comunicación, pero nun ye asina. Porque, n'efeutu, nel Diccionariu Esencial de la Lengua Española, de la RAE, nel términu "Desahuciar", na so tercera aceición diz: "Quitar a alguien toda esperanza de conseguir lo que desea". Entós, ta mui claro: los asturianos tamos desahuciaos de la nuestra llingua, pues quitáronnos toa esperanza d'igualdá col castellán, de tener un...

El Fondu Monetariu Internacional en vez de dar informes, da Partes de Guerra.

Nun sé si les Güelgues Xenerales (ésta en concreto) sirven pa dalgo. Igual non. Pero había que la facer. Cualquier cosa menos enzarrase en casa, o lo que ye peor, dientro d'un mesmu, a llamentase de cómo tán desguazándonos el país un piñu de sirvengüences y nun mover un solu deu pa evitalo. Que sepan (yá lo saben) que la xente que salimos a la cai nun tamos d'alcuerdu col desmantelamientu d'una sociedá que, hasta va pocu tiempu, principiaba a tar prósima...

(Vuelva usté mañana)

Moral Norteamericana: El direutor xeneral de la CIA dimite per una rellación estramatrimonial, pero non per una rellación estraestatal. (pónenlo a güevu)

Títulu: "La vuelta a Europa en avión" Autor: Manuel Chaves Nogales Editorial: Libros del Asteroide Añu: 2012 (primera edición en "Mundo Latino", 1929) UN FINU OBSERVADOR.- La lliteratura llamada "de viaxes" ocupa un importante llugar dientro de la lliteratura xeneral. Ye un xéneru mui ufiertáu y mui lleíu, porque cunta con un balagar de seguidores a los que-yos gusta esi tipu de llectures. Yo nun soi ún d'ellos. Préstenme, eso sí, determinaos llibros de viaxes, de determinaos autores. Nun principiu los...

¡Qué tiempos nos que la "heroína" yera la mocina de los tebeos!

Tamos viendo, un día sí y otru tamién, los problemes causaos pola mor d'unos préstamos con garantía inmobiliaria, más comunmente llamaos "hipotecarios" que, al nun poder ser atendíos por diversos motivos, tán produciendo situaciones gravísimes nes persones y nes families llegando, en dalgunos casos de desesperación, al mesmu suicidiu. Ye, pues, un casu gravísimu al que les autoridaes polítiques y financieres tienen de facer frente y presentar unes soluciones acordies cola dicha gravedá, tal y como se ta pidiendo dende...