Pa zarrar yá'l tema futboleru hasta la temporada que vien (que yá ta ehí), ufierto güei una Olivina y una Cosadiella d'esi inmortal tema. Que vos preste. COSADIELLA FUTBOLERA (Al mou de Tiadoro Cuesta) ¿Qué cosa cosadiella ye una cosa, cosadiella que nun ye revesosa. Que xuega, pasa y escargata, detrás del delanteru que remata. Qu’anque nun ye talamente un delanteru, remata, delles veces, col punteru. Asítiase nel campu mui terciáu, con tendencia a xugar adelantáu. Y que tien un...

Deteníu pola policía Vicente del Bosque por xugar con un falsu nueve.

Güei ocupa esta modesta tribuna una llectora qu'anda per casa, y que me la pidió prestada pa facer un comentariu de muncha actualidá. Lo dicho por ella, suscríbolo dende la primera hasta la última pallabra. LA REPARACIÓN D’UN OLVIDU         Ayeri supe que la mio amiga Ana Fueyo Llaneza fuere nomada Direutora Xeneral de Política Llingüística y ye ésta, quiciás, una de les meyores noticies d’esta triba que recibí en tou esti caleyar de va yá pa más de 35 años. ...

Toos tenemos la esperiencia de tener visto nos llibros que lleemos, y los escritores nos qu'escribimos, les iniciales ISBN precediendo a un númberu de varios díxitos. Eses sigles correspuenden a la espresión inglesa International Standard Book Number, o seya, Númberu Estandar Internacional de Llibros, que supón una forma d'identificar un llibru empobináu a la so comercialización. L'axencia encargada de talos menesteres yera, hasta va pocu tiempu, de titularidá pública y los sos servicios gratuitos. Pero de magar el 17 de...

Hai xente a la que-y gusta caltener les distances, por exemplu, a los de la Llei de Costes.

Llegué d'un viaxe a la ciudá-campamentu romanu de Segóbriga (Cuenca) xusto a tiempu pa ver la final del Campeonatu d'Europa de fútbol. El partíu, pese a les prevenciones d'última hora pol bon xuegu d'Italia y el "regulín" d'España, resultó una "goxada" pala nuestra seleición. Nun importó l'alliniación, otra vuelta ensin delanteros auténticos, que punxo "la esfinxe" porque los nuestros "piquiñinos" son tan bonos que xueguen de too. Inclusive ensin entrenador. Viéndolos xugar toi seguru de que podríen ser intercambiables, y xugar...

Tuvi esti visitáu blogue (polo visto hai munchu ociosu como yo) dafechamente aparáu pola mor d'un obligáu viaxe a tierres galaiques. Un viaxe que m'encartió pa desconectar del mio País (Asturies), y del restu l'Estáu. Viénome bien desdexar per unos díes a la Prima de Riesgo, a los recortes, a les mentires repitíes de los políticos y a les carones de la Merkel, del Rajoyu y d'esa del pelo blanco que creo que ye dalgo del FMI y que tien pinta...

Recortes nel Vaticanu: Al Papa, acaben de cambia-y la Siella Xestatoria pola Siella Xiratoria (con 4 ruedes)

Non, nesta ocasión nun voi referime al guapísimu picu Monsacru, nel conceyu de Morcín, sinón al llibru recién publicáu por Xuan Xosé Sánchez Vicente que lleva'l mesmu nome. Trátase d'un volume sotituláu "Estudios lliterarios", que recueye un total de 10 ensayos enriestraos pol tema de la nuestra lliteratura, a esceición d'un (el tituláu El doncel de don Enrique el Doliente). De los otros, un par d'ellos ocúpense de los clásicos, dándo-y a la pallabra una aceición que quiciás nun-y correspuende, puesto...

Nun se pue ganar más de lo que se tien.