«Cuántu carbón saldría»
Los caberos años, amestándose a la Selmana de les Lletres y, entiendo yo, como homenaxe a los nuestros escritores, publícase una antoloxía de microrrellatos na que collaboren una gran parte de la nómina de los que güei nos dedicamos a la creación en llingua asturiana. El tema viennos dau, y suel tener rellación col personaxe homenaxeáu. El másimu d'estensión ye de nueve llinies d'ordenador. Esti añu, dedicáu al gran amigu Manfer de la Llera, el tema xenéricu que se nos...
¡Democracia real, agora!
El nuevu movimientu espontániu, asambleariu y democráticu que se punxo'l nome de "Democracia real, ya", ta poniendo contra les cuerdes a los vieyos aparatos de los partíos políticos y los sindicatos que nun saben mui bien a qué carta xugar. Nun espaciu acotáu per ellos fasta l'agotamientu, nuna llucha por facese con cualquier frasca de poder por pequeñu que seya (asociaciones de vecinos, clubs culturales, asociaciones cíviques...), naguando por tapar o controlar cualesquier movimientu ciudadanu organizáu que pudiere poner en...
«¡Marchando, una de campaña!»
Tantu tiempu esperando pa poder votar n'España, y agora tiénennos fartucos con tanta propaganda ellectoral. Y ye que resulta una mentira dicir que la campaña dura 15 díes. ¡Dura tol añu! Al día siguiente de les votaciones, y seya cual seya'l resultáu, empieza a preparase yá la prósima votación. Y, amás, como nun coinciden toles consultes al empar, pues un añu hai les xenerales, otru les parciales n'unes comunidaes, otru n'otres comunidaes, otru les europees... ¡tantu trabayu costaba faceles toes al...
Europa, ¡alón!
La decisión del gobiernu de Dinamarca de volver a les fronteres interiores, nun xestu d'apaciguamientu hacia la ultraderecha del país, supón el certificáu de defunción de la Europa na que munchos teníemos puestes les nuestres esperances. Ta claro qu'esto nun tien igua. Nun tien igua la idea d'una Europa xunida, solidaria, motor industrial y económicu, pero tamién trubiecu de derechos ciudadanos, de defensa de los grandes valores de la civilización, de los derechos humanos, del cuidáu de los más débiles....
Última hora de la Presentación
Hai una novedá amestada a la Presentación d' "El síndrome de Sherezade", esti vienres día 13, y ye que, como se cellebra tamién na carpa de LlibrUviéu el día de la ONCE, una socia d'esta organización, invidente, que se llama Mª Carmen Rodríguez, va a ller un pequeñu testu del mio llibru, vertíu al sistema Braille. Ye una novedá mui prestosa y que, de xuro, va a arriquecer l'actu. Vémonos ellí.
«El síndrome de Sherezade»
Esi ye'l títulu del trabayín que me premiaron col "Máximo Fuertes Acevedo" d'Ensayu, en 2010. Un estudiu de cómo los cuentos acompañaron al ser humanu dende los sos anicios, y de cómo ésti foi utilizándolos nel so porgüeyu a midida que los diba necesitando: Como desplicación de la so realidá inmediata; como desplicación del mundu nel que vivía; como alvertencia, entretenimientu, tresmisión de cultura, preparación pa entrar nel mundu adultu, etc. etc. Y tamién el papel del "Héroe" nos cuentos...