Adios a «La moto de Pachín»
L'anunciu de la retirada del grupu musical "Xentiquina" déxanos un ñudu estrañu nel gargüelu. Avezaos a sentilos tolos años, de la mano del so creador-direutor-alma mater, Nacho Fonseca, cada vuelta con ánimu renováu y plantiya remocicada, va a facesenos mui raro dexar d'escuchalos nes sos actuaciones per colexos o teatros. Ye lo que pasa coles coses bien feches: qu'un llega a acostumase a elles de tal mou que paecen dalgo normal. Pero non, "Xentiquina" foi un pequeñu/gran milagru que fizo...
Una prestosa presentación
La presentación, esti sábadu pasáu, del llibru de rellatos "Cronicas de la Marca del Este" na llibrería Central de Xixón, resultó mui prestosa. Na semeya qu'acompaña esta pequeña notina, apaecemos Rubén Serrano, l'antólogu; la escritora Loli González Prada y esti qu'escribe. Falóse del llibru, claro, pero tamién de la importancia de la épica na lliteratura universal, y de cómo entovía tien un papel importante como defensora d'una riestra valores que tán principiando a perdese: l'amistá, el compañerismu, l'esfuerzu, el valor (físicu...
«Deva y yo», un guapu llibru
Ta mal que yo lo diga, pero l'album que ta a piques de salir, escritu por un tal García Oliva, y con unos prestosísimos dibuxos d'una moza que firma "Begmont", ye toa una ayalguina. Llibrín editáu col procuru avezáu por Pintar-Pintar, gracies a eses otres dos "ayalguines" que son Ángela y Ester, cuenta una mínima y entrañable historia na que Deva, la perrina d'Iris, ye la "mocina". Toi seguru de que va a prestavos... anque yá nun seyáis neños. La...
Presentación «Crónicas de la Marca del Este»
Entovía tais a tiempu de programar la vuestra presencia pa la presentación d'esta perguapa antoloxía de rellatos de "fantasía heróica". Ellí taremos, l'antólogu Rubén Serrano, la escritora Loli González Prada, y yo mesmu, autores de tres d'esos rellatos. Yá lo sabéis, ye na Llibrería Central, cai San Bernardo, 31 de Xixón, esti sábadu 18 a les 7 de la tardi. Vais pasalo bien.
La muerte d’un grande de la LLIX
Cola desapaición física del escritor Juan Farias, la Lliteratura Infantil y Xuvenil del mundu enteru (nun hai qu'escaecer que cualquier bona obra lliteraria ye un patrimoniu de tolos homes y muyeres) pierde a un de los más grandes, inxustamente valoráu, en munchos casos, polos sos compañeros de profesión. Y préstame llamalu "un de los grandes" siendo, como yera, de mui pequeña estatura. Nel so curriculum, un puñáu d'espléndidos llibros colos qu'algamó, nel añu 1980, na menos que'l Premiu Nacional de Lliteratura...
Siguimos fuera’l mapa
La perda d'importancia d'un llugar, entovía remotu, llamáu Asturies, continúa medrando. Estos últimos díes, y en estremaes anuncies de l'actualidá social, pudimos ver cómo nin se nos cita, nin se nos tien en cuenta pa nada que nun seya bárbaros asesinatos de muyeres, o problemes cola borrina del Aeropuertu. Vamos esbillar dalgún exemplu: LÓPEZ OTÍN.- El Catedráticu de Bioquímica y Bioloxía Molecular, Carlos López Otín, algamó un gran ésitu xunto al so equipu de la Universidá d'Uviéu, al descubrir les mutaciones nos...