"Ayer, Xueves 23, foi un día importante pa mi. Por primer vez, na mio vida como perrina, un paisano presentó un llibrín sobre mi. Llámase "Deva y yo", y el yo al que se refier ye'l de un tal Vicente que vive conmigo nuna casa de la cai Adosinda. Llevámonos bastante bien y tolos díes lu saco a pasiar, de la qu'aprovecho pa mexar nel parque. Toos na casa me traten perbién, dende qu'Iris me rescató un día d'una pensión...

Dulda metafísica: nel so papel de padre, ¿Xosé daría-y dalguna ñalgada a Xesucristo?

L'anunciu de la retirada del grupu musical "Xentiquina" déxanos un ñudu estrañu nel gargüelu. Avezaos a sentilos tolos años, de la mano del so creador-direutor-alma mater, Nacho Fonseca, cada vuelta con ánimu renováu y plantiya remocicada, va a facesenos mui raro dexar d'escuchalos nes sos actuaciones per colexos o teatros. Ye lo que pasa coles coses bien feches: qu'un llega a acostumase a elles de tal mou que paecen dalgo normal. Pero non, "Xentiquina" foi un pequeñu/gran milagru que fizo...

La presentación, esti sábadu pasáu, del llibru de rellatos "Cronicas de la Marca del Este" na llibrería Central de Xixón, resultó mui prestosa. Na semeya qu'acompaña esta pequeña notina, apaecemos Rubén Serrano, l'antólogu; la escritora Loli González Prada y esti qu'escribe. Falóse del llibru, claro, pero tamién de la importancia de la épica na lliteratura universal, y de cómo entovía tien un papel importante como defensora d'una riestra valores que tán principiando a perdese: l'amistá, el compañerismu, l'esfuerzu, el valor (físicu...

Hai dalgo peor qu'una "república bananera": una "monarquía bananera".

Ta mal que yo lo diga, pero l'album que ta a piques de salir, escritu por un tal García Oliva, y con unos prestosísimos dibuxos d'una moza que firma "Begmont", ye toa una ayalguina. Llibrín editáu col procuru avezáu por Pintar-Pintar, gracies a eses otres dos "ayalguines" que son Ángela y Ester, cuenta una mínima y entrañable historia na que Deva, la perrina d'Iris, ye la "mocina". Toi seguru de que va a prestavos... anque yá nun seyáis neños. La...

Entovía tais a tiempu de programar la vuestra presencia pa la presentación d'esta perguapa antoloxía de rellatos de "fantasía heróica". Ellí taremos, l'antólogu Rubén Serrano, la escritora Loli González Prada, y yo mesmu, autores de tres d'esos rellatos. Yá lo sabéis, ye na Llibrería Central, cai San Bernardo, 31 de Xixón, esti sábadu 18 a les 7 de la tardi. Vais pasalo bien. 

Yera un home mui equilibráu, tenía'l corazón a la esquierda y la cartera a la derecha.

Cola desapaición física del escritor Juan Farias, la Lliteratura Infantil y Xuvenil del mundu enteru (nun hai qu'escaecer que cualquier bona obra lliteraria ye un patrimoniu de tolos homes y muyeres) pierde a un de los más grandes, inxustamente valoráu, en munchos casos, polos sos compañeros de profesión. Y préstame llamalu "un de los grandes" siendo, como yera, de mui pequeña estatura. Nel so curriculum, un puñáu d'espléndidos llibros colos qu'algamó, nel añu 1980, na menos que'l Premiu Nacional de Lliteratura...

¿Habrá estrelles de cinco hoteles?