"Compañía Asturiana. 100 años de Teatro Asturiano" ye'l títulu de la esposición que ta cellebrándose estos díes nel patiu del Antiguu Institutu Xovellanos, y que pretende recoyer les actividaes de les distintes compañíes qu'acuñaron esi nome dende principios del sieglu XX. Nun quier dicir eso que nun hubiere escrito teatru en llingua asturiana enantes d'esa dómina. Sabemos que, por exemplu, don Xosé Napoleón Acebal y Morán tenía escrites dos obres mui anteriores, Los trataos, de 1835, y El camberu ensin les truches, fechada en...

El problema de Venezuela tien dos soluciones: o echar a Maduro, o echar al de los Telediarios.    

Nun tuviere tiempu, hasta agora, a mirar el llibru que salió esta Selmana de les Lletres embaxo esi títulu, y que recueye sesenta rellatos curtios d'otros tantos escritores asturianos. Ye una amuesa bien curiosa de la nomina qu'escribe anguaño n'asturianu, anque ye verdá que falten dalgunos otros escritores consagraos, como puen ser Xuan Xosé Sánchez Vicente, Berta Piñán o Antón García, por citar namás dellos exemplos. Hai minicuentos mui prestosos nesa esbilla que tengo'l duldosu honor d'aniciar, pues l'orde que...

Paez que nun ye cierto qu'Albert Rivera va dir a China y a Arabia Saudí a dicir lo mesmo que'n Venezuela.

Quiérote agora y quísete siempre puedo pescancialo al tiempu que la nueche de raso prieto esnala inevitable al rodiu la memoria noctámbula y sollerte. Quiérote inaparable ente los sueños sapozao no vieyo, de la hestoria qu'aburre repetida na lloca velea de los llabios. Quiérote agora y selo, pente'l foscu silenciu d'estes puertes que nun soi pa pesllate, nel súbitu viaxe de milenta orpinos corriendo cai abaxo bixorderos, amestando a la brea la curtia brevedá d'otra solombra que se m'antoxa inútil....

Los sudamericanos son los Campeones del Mundu de voseo.

Cúmplese estos díes un añu del fallecimientu del escritor miérense Xaviel Vilareyo a la temprana edá de 48 años. Un piñu d'amigos y amigues, al rodiu del Grupu Epona, ficieron un actu d'homenaxe y recordatoriu al polivalente asturianista. Vilareyo cultivó la poesía, el teatru, l'ensayu, la narrativa y la música escribiendo, amás, tanto n'asturianu como n'eonaviego. Xunto a ello organizó otros entamos como xuntes d'escritores o'l mesmu Festival del Cine Asturianu que, dende qu'él lo dexó, nun volvió a convocase....

Aplicación asturiana de la famosa Llei de Murphy: Da igual cómo caiga la tostada, nunca tien mantega...  

Acabóse yá la lliga de fútbol y col Sporting en Primera. Dicir que la ciudá, y otres tierres que nun son la ciudá, fervió d'entusiasmu patrióticu ye poco. Hubo -y abúltame que nun ye desaxerao dicilo- una verdadera hemorraxa de sportinguismu a tal puntu que ya me paez un poco demasiao. Nun quiero ser un "cenizu", nin creo que pueda ponese en dulda la mio querencia pol equipu llocal. Equí mesmo, nel blogue, afirmo qu'un de los mios suaños de...

San Betis Balompié, Padre de la Ilesia, auxiliador de los probes. San Marcelinín de Careñes, Patrón de los desesperaos. San Xetafe de Madrid, Martir. Santa Afición del Molinón, virxen qu'ascendió a los Cielos pol fervor popular. San Abelardo du pituá, de la orde de San Salvador.