En Xixón, onde enantes había una oficina del Banesto agora punxeron una tienda de "Mango". O seya, que sigue igual.

Títulu: Todo lo que hay Autor: James Salter Torna: Eduardo Jordá Editorial: Salamandra Añu: 2013 ¿NOVELA O CUENTOS?.- Varies veces salió a rellucir nesti blogue la importante figura del escritor norteamericanu James Salter. La primera cola reseña del so guapísimu cuentiariu La última noche, y la cabera creo que fue, precisamente, de magar se conoció'l so fallecimientu. Autor imprescindible, abúltame que dixi nel so momentu que prefería los sos cuentos a les noveles y si ye que nun lo dixi, dígolo agora....

Diz esi Pedro Sánchez que quier formar un gobiernu "transversal". Ye incapaz de formar unu normal y quier andar con virgueríes...

Ye un asuntu que yá comenté un cientu veces dende esti blogue: la impresentable actitú española delantre Cuba, nun sólo dexándose presionar polos americanos y polos sos socios europeos pa nun comerciar con la islla caribeña sinón, lo que ye más grave, presionando ellos mésmos (lléase señor Aznar) pa face-yos un boicot porque -dicíen- nun respetaben los derechos humanos. Eso del comerciu y los derechos humanos ye como de goma: estira y encueye a gustu del consumidor. Pue negociase con...

Na mio casa, como en Bimenes,  l'asturianu ye llingua oficial.

Entovía nun se llamaba Champions, yera namás (y na menos) que La Copa d'Europa. Corría l'añu 1973 y el Real Madrid de Pirri, Amancio y Santillana, venía d'eliminar al Dinamo de Kiev en cuartos de final. Naide n'España conocía al Ajax, al que se tomaba un poco en coña porque asonsañaba a un xabón de llavadora que se llamaba tamién asina. El primer partíu fue n'Amsterdan y los holandeses ganaron 2-1. Esperábase con gana de revancha'l partíu de vuelta nel...

Donald Trump ye la confirmación del suañu americanu, pue llegase de faltosu a Presidente d'Estaos Xuníos.

El veteranu grupu de teatru Telón de Fondo presentó esti domingu nel Teatru Xovellanos la so obra "El xuegu de Yalta". Ye almirable cómo depués de tantos años, el grupu encabezáu por Lluis Antón González y Xuliu Vigil sigue con una moral a preba de bombes enriba los escenarios, ufiertando obres n'asturianu pese a la falta axudes y, en munchos casos, la indiferencia de los propios falantes del nuestru idioma. Asina s'amosó, una vuelta más, na escasa presencia de públicu...

Paez que tampoco'l Presidente del Gobiernu en funciones quier entrevistase con Rajoy.

Nel añu 1885, na llamada Conferencia de Berlín, los paises europeos, les vieyes utres sanguinaries, repartiéronse'l continente africanu pa poder colonizalu más fácilmente y repartise les sos riqueces. Punxeron un mapa xeográficu d'Africa enriba una mesa y trazaron unes llinies arbitraries según-yos convenía. El resultáu fue que surdieron unos paises artificiales ensin tener en cuenta les poblaciones y les circunstancies históriques, de tal mou que xuntaron en dalgunos a etnies secularmente enfrentaes ente sí, mentanto n'otros separtaben a poblaciones hermanes...