La Comunidá Científica confirma la esistencia de los Furacos Negros. Los Asturianos tenémoslos confirmaos va munchu tiempu.  

Abúltame que ye la primer vez que los grupos d'oposición nel Ayuntamientu de Xixón voten xuntos pa sacar dalgo alantre. Nesti casu, la unanimidá opositora sirve pa echar al responsable del Festival de Cine de Xixón y, al empar, cambiar el sistema d'eleición del cargu, que pasará de ser un puestu de confianza del gobiernu municipal de turnu, a ser contratáu por concursu de méritos. El motivu que llevó a los partíos opositores a pautar esi cambiu fue'l desfase presupuestariu...

Desmiéntese que'l Rei Felipe VI vaya a abdicar nel Rei Juan Carlos I, qu'entiende más d'osos.

La ópera gusta en Xixón. Asina, col cartel de "nun hai billetes", representóse esti vienres (y tamién el domingu) la famosa obra de Verdi, Nabuccco. Como estudiábemos de neños: "Nabucodonosor, Rei de Babilonia". La verdá ye que la obra fue tou un ésitu. Anque conocía delles partes del Nabucco (quién nun sintió, por exemplu, el "Va pensiero") nunca la tuve vista al completu y la verdá, ye guapísima. Lo primero que diría ye que se trata d'una ópera intensa. Al...

Yá verás cuando se dé cuenta la xente que'l país pue funcionar ensin políticos.

Entérome, con pena, qu'acaba fallecer Paco Mori. Na prensa vien recoyida la so vida y actividaes profesionales, y tamién que "militó" na organización Unidá Nacionalista Asturiana (UNA) Pero Paco Mori fizo dalgo más que militar, nesa organización. Creo recordar -anque ando flacu de memoria-que yá venía de la Xunta Nacionalista Asturiana, como otros munchos de los que fundamos la UNA, pero en cualquier casu nesta última organización ocupó cargos importantes, nun sólo na executiva. Fue na llista de les Europées...

La editorial Pearson/Alhambra, cola que tengo tres noveles xuveniles editaes en castellán(El barco de los locos; Las aventuras de Inés Saldaña; y El cielo de los dinosaurios) elimina dafechu la so división de lliteratura quedándose, namás, colos llibros de textu y los diccionarios. D'esi mou desfáense de toles esistencies que tienen avisándonos a los autores pa que dispongamos d'elles, quedando como opción última la d'unvialos a reciclase como papel. La verdá ye que me da pena qu'unes obres (y nun...

Ye malo que tenga d'esistir un "Día internacional de la muyer" (nun sé si se quitó lo de "trabayadora"). Y yelo porque esa ye una amuesa de que la discriminación sigue esistiendo. Nuna sociedá na que la muyer tuviere les mesmes oportunidaes que los paisanos, esi Día nun tendría sentíu. Habrá qu'enfotase nello. Mentanto, ye cierto que, pasín a pasu, les muyeres van algamando una meyor situación respeutu al home, ensin llegar, entovía, a una equivalencia total. Y falo d'equivalencia...

Nun se sabía que Felipe González, enantes de dedicase a la política, fuere albañil.

Como'l vieyu payasu Canio de la ópera de Leoncavallo, Pagliacci, canta y llora pola infidelidá de la so esposa. Él ye'l "ganador de les eleiciones", el que más votos sacó. ¿Por qué-y ponen los cuernos? ¿Por que non lu dexen gobernar? Enriba l'estráu emplega toles sos vieyes artes pa ridiculizar a los amantes. Humor, ironía, sarcasmu, descalificación... Nunca vos dexaré ser felices. Si nun me quies a min, nun podrás querer a naide. Mariano Rajoy. Seriu, impertérritu, un migayín desencaxáu, repite...